[FACE 367] 12變 11 EXO耍棍放電 EXO,MF,

雖然因 Kris嘅合約問題，令 EXO由 12位靚男變成 11位，但各成員照樣落力演出，抵畀 Like！

FBI

12變 11　 EXO耍棍放電

韓國勁爆男子組合 EXO喺 3個月前先派出有 6位成員嘅子團 EXO-M訪港，即搞到旺角淪陷。週日（ 1日） EXO-K同 EXO-M仲合埋體來港舉行首個香港騷《 EXO FROM. EXOPLANET#1-THE LOST PLANET IN HK》，全港「行星飯」梗係癲曬啦。

其他影片：>>EXO勁放電

今次港騷，雖然 EXO因中國籍成員 Kris要求解約，令原本 12人嘅 EXO變成 11人。少咗個人，當然每個人都要行多步，更加落力。 EXO開波先唱出〈 MAMA〉，之後再唱出〈 Let Out The Beast〉及〈 Wolf〉等多首 hit歌，各成員更落足嘴頭氹港女，尤其中國籍成員 Lay，成晚好似開籠雀咁不斷賣口乖，仲用廣東話講：「好開心嚟到香港，你哋好熱情，好犀利。你哋要唔要做我哋嘅 baby呀？」

雖然 FBI聽到都毛管戙，但氹到「行星飯」 happy就得

EXO表演勁歌熱舞大家都預咗，但最估唔到另外一位中國籍成員 Tao會玩埋武術。演唱會中場，打住筋鬥出台嘅 Tao先舞大刀，之後仲耍長棍，唔只每個動作有版有眼，而且耍棍時仲使出快速閃電手。不過，唔知 Tao係咪受 Kris要求解約事件影響，完場前講出：「出道兩年間，發生很多事，唯一沒有變的是粉絲的心。」暗示有人變咗心。

來自青島，同曉明大哥同鄉兼勁老友嘅 Tao亦非常落力，中場 solo表演武術，表演完淩空翻筋鬥後，仲以快速閃電手耍長棍，全場「行星飯」（ EXO對 fans稱呼）梗係拍爛對手

EXO首次開港騷，中國籍成員嘅 LAY，單獨表演跳舞，仲唱出歌曲〈 Solo〉。全晚都勁 high嘅 Lay喺演唱會中途用廣東話問粉絲：「你哋要唔要做我哋嘅 baby呀？」搞到 FBI毛管戙。

出道兩年嘅 EXO，週日（ 1日）開始舉行一連兩場港騷，為遷就歌迷，除大唱韓文歌，主攻大中華市場嘅分隊 EXO-M更連唱多首國語歌。演唱會中途， EXO 11子仲拋出心形軟墊冧歌迷。

網上圖片

Kris自要求跟 SM解約後，一直缺席所有 EXO活動。最近有指 Kris母親曾秘密接觸韓庚現所屬嘅中國樂華娛樂公司，似有意安排 Kris脫離 EXO後，喺內地大展拳腳。而一直潛水、傳有心肌炎嘅 Kris，最近被目擊喺北京某醫院睇心臟科醫生。

Shopping縮沙

上週六， EXO原本已坐保母車到銅鑼灣，但當知道有記者同粉絲守候，即縮沙走人，企喺 I.T門口嘅粉絲撲個空。

週日開騷嘅 EXO，早喺上週六（ 5月 31日）正午飛抵香港，到港後 11子即趕去亞洲博覽館綵排。 FBI八到，綵排後， EXO仲打算夜晚落銅鑼灣 I.T揀衫掃貨。嗰晚 11點半， EXO坐住白色保母車到達銅鑼灣希慎附近，但後來有綫人通知佢哋有記者同 10個 fans喺店外守候，最後 EXO因為唔想無端端被狂影，連車都唔落返酒店休息。

鍾意就快D Share啦！

下一篇 》