[FACE 367] 落難女神 孖古仔逃難 DaDa碌爛籮 DaDa,古天樂,古仔,陳靜,MF,

DaDa碌落山期間要用手肘幫手跌落山坡。記者得到這段碌山坡片，睇曬 DaDa的拍攝過程，完全感受到 DaDa拍攝時非常艱辛，好彩兩 take搞掂。

真面目

落難女神　孖古仔逃難　 DaDa碌爛籮

去年 8月私自在微博宣佈退出娛樂圈的 DaDa（陳靜），閃退兩個月後即高調復出，快過打針。

扭計失敗，亦因拒絕宣傳及接 job而得罪唔少人，包括《喜愛夜蒲 3》導演錢國偉。為在娛圈繼續搵食， DaDa在復出第一炮《 Z風暴》中搏到盡，其中一場同古天樂逃亡戲， DaDa不惜冒住損手爛腳兼擦花塊面的危險，親自上陣碌落山，最終兩 take完成。牛仔褲都磨穿的 DaDa，更被工作人員大讚專業。

「愛情動作」出色，估唔到 DaDa連高難度動作都搞得掂，叻女！

退出娛圈兩個月期間， DaDa被圍插唔專業，有傳電影公司、經理人施念慈向佢追討數百萬賠償。冇錢賠焗住復出， DaDa第一炮便是接拍由黃百鳴投資，林德祿導演的《 Z風暴》，升呢做大片女一。

查傷勢

幾經辛苦成功碌落山， DaDa即掀起面衫檢查有冇受傷。

褲都裂

替身（箭嘴）企喺 DaDa後面隨時候命，但 DaDa兩個 take都決定自己嚟，搞到褲都磨爛曬。

親身碌落山

DaDa話古天樂對佢好體貼，教佢做戲又教佢走位，係一個好前輩。

難得仲有老闆肯搵佢做「女一」又冇乘機壓價，醒目女 DaDa亦識做賣口乖，「咁多人畀機會我，我要珍惜，機會係無價，就算冇錢都照拍！」

冇片酬都拍肯定冇人信，之不過 DaDa今次確係為新戲搏到盡。片中飾演寵物美容師，搭上富豪王敏德的 DaDa，受 ICAC專員古天樂所托，要做證人指證犯罪集團人物王敏德同黑警林家棟，卻因此被追殺。其中一場逃亡戲， DaDa要碌落山避開殺手。山坡又斜又滿布沙石，導演亦安排了替身，但 DaDa堅持親身上陣，最後更連牛仔褲都磨爛，不過 DaDa仍然笑笑口話，「都 ok呀，係汙糟少少啫！」

戲中 DaDa因初時好愛王敏德，受對方遊說下去親近魔警林家棟。兩人首次合作就要床戰， DaDa讚家棟超細心，話一停機家棟即刻同佢講對唔住，又不忘關心 DaDa畀佢擲銀紙痛唔痛。

錫住嚟做

首次做危險動作， DaDa做足安全措施，著了 3件衫打底，又戴埋腰封保護，確保唔會被樹枝整傷，「拍呢場戲時係冬天，本身條褲都已經好厚，所以只係著多條打底褲就算喇！我以前好少拍動作戲，主要係喜劇居多，今次開鏡前專登操 fit番體能，唔想跑兩跑就氣喘。」

除了逃亡戲， DaDa於戲中要同林家棟床戰，不過比起之前的《喜愛夜蒲》和《低俗喜劇》， DaDa今次點到即止，唔使野戰唔使凸點，反而家棟要出賣兩點做鹹濕警司。另外， DaDa又要被王敏德用錢一邊掟一邊用英文鬧佢係雞。轉型演內心戲，若挑戰成功分分鐘有份爭下屆影後喎！

王敏德冇份同 DaDa親熱，但都有得同其他女演員玩「頂頭鎚」。

DaDa在戲中是孤兒，兼患有癌症，幸得王敏德出錢幫佢醫病，一度認定對方係佢老公的 DaDa，當知道自己一直被利用後，轉幫 ICAC指證王敏德。

盛君在戲中飾演古仔老婆，但戲份比 DaDa少，只屬配角。

E神封咪

一出道已經行性感的 DaDa，自從去年獲得金像獎「最佳女配角」後升價十倍，更慢慢轉形象唔再露。除《 Z風暴》唔使剝外，最新推出的百果園熱情果汁廣告亦冇乜拋胸鏡頭。連未上畫、由王晶執導的《唐伯虎衝上雲霄》，亦係同杜汶澤搞笑居多。想睇 E神曬巨咪，今後可能都冇乜機會。

百果園熱情果汁

《唐伯虎衝上雲霄》

鍾意就快D Share啦！

下一篇 》