[FACE 367] 又抄千頌伊 JM佐敦出火 JM,千頌伊,文詠珊,MF,

《來自星星的你》影響深遠，就連香港女星都個個跟，睇下 JM嗰髮型同甫士，就知佢有參考過「千頌伊」全智賢啦。 FBI講句公道話，由於 JM夠高加上身形纖瘦，抄女神效果都唔錯，只係差少少成熟韻味。

FBI

又抄千頌伊　 JM佐敦出火

《來自星星的你》播完兩個幾月， FBI行街依然見到唔少港女抄千頌伊嘅打扮；而娛圈女星更加個個長髮側梳，學足「千頌伊」。

就快約滿 AMusic兼自組公司嘅 Janice Man，上星期二出活動嗰陣就明顯向千頌伊致敬。活動完後， JM坐住 AMusic嘅保姆車返屋企， FBI發現佢喺屋企逗留唔夠 1個鐘就自己揸車出街，去佐敦做腳底按摩，一按就按咗 3個鐘，有冇咁多骨火呀？

設計對白

佐敦撥髮

呢下撥弄秀髮，係咪又令人諗起女神全智賢呢？不過場景係佐敦唔係首爾。

雖然 JM就快約滿 AMusic亦會自組公司，不過當日活動後 JM都係坐 AMusic車走。

呢間腳底按摩店，按每小時收$148，即係 JM埋單要$444，邪喎！

做完 3個小時腳底接摩， JM成個醒曬，行出門口即刻戴番副大黑超兼手拎 iPad，成個女強人咁款。

鍾意就快D Share啦！

下一篇 》