掃呢頁CODE去手機

2014年6月4日 星期三

[FACE 367] 剩女心聲 代妹湊女 唔期望愛情 李若彤慨嘆:佢唔係我個女! 李若彤,MF,




單身 6年

做完司機由佐敦幼稚園送到去黃埔琴行,再陪讀陪足兩粒鐘音樂興趣班,難怪姨媽李若彤同姨甥女感情好到似母女。

真面目

剩女心聲 代妹湊女 唔期望愛情 李若彤慨嘆:佢唔係我個女!

大台女人劇落幕,一班美魔女生活回復正軌。「小詩」喺劇中念念不忘亡夫,現實世界的李若彤則幫胞妹照顧姨[!8CC5]女、過足湊女癮又唔使對住麻煩奶奶,輕鬆自在得多。

上週五( 30日),本刊直擊廿四孝姨媽李若彤接放學、再陪返興趣班,唔使拍劇時全副心機、成個週末都圍住姨[!8CC5]女團團轉, 47歲李若彤更自爆對愛情冇期望亦不存憧憬,代妹湊女一職困身冇望愛情,她亦慨嘆:「佢唔係我個女……對住佢好開心!」有「女」萬事足!







事業如日中天之際,為富商男友郭應泉淡出娛樂圈,李若彤當年更話「係妻子應該做」,可惜兩人相戀十年都係分手收場。現時對感情事,李若彤話:「冇期望,亦冇憧憬。」《蘋果日報》圖片

同富商郭應泉苦戀十年,李若彤自爆六年前男友主動提出分手,至今一直單身。當年為男友淡出娛圈,六年前為情傷拒絕再北上拍劇,接拍大台女人劇純屬俾面曾志偉,李若彤親口向本刊說再為無綫拍劇機會不大。冇拖拍又冇工開,「小詩」生活一樣充實,整個週末忙住湊五歲姨[!8CC5]女。

湊女過夜

同郭應泉分手加埋老父 09年中風,李若彤多次在訪問表示,雙重打擊下患上情緒病,生活十足世界末日,直至五年前胞妹生女,才令生活重新有寄託。

上週五( 30日),本刊便見證感情冇著落又冇工開嘅李若彤,十足平常人母一樣,準時四點從寓所自駕出車,趕去佐敦幼稚園接姨[!8CC5]女放學,再跨區往黃埔琴行上興趣班。人哋就係阿媽陪讀,李若彤身為姨媽一樣神心,兩小時音樂堂管接管送陪足全程,放學後索性帶埋姨[!8CC5]女回租住的火炭寓所過埋夜。

單身李若彤整個週末唯一活動就是湊「女」,同所有家長一樣準時四點放學時間趕到幼稚園接姨甥女。

五歲姨甥女見到姨媽興奮又聽話,而李若彤亦細心又溫柔,行路拖實、臨開車再交待姨甥綁好安全帶。

我冇人追㗎……你睇下我週末就係咁過!(真實對白)帶姨甥女回家足足消磨廿四小時後,李若彤翌日傍晚再出動,話帶埋姨甥女與家人齊齊做端午節。

週五湊女、週六做節、週日出席女人劇大結局活動,難怪李若彤話自己生活簡單。

唔簽大台

08年分手、 09年父親中風,李若彤曾因低潮而有尋死念頭,好在 09年胞妹生下姨甥女,更交由李若彤照顧,才讓她找到人生寄託。《忽然 1周》圖片

兩個月前曾經被週刊拍過帶姨[!8CC5]女去餐廳食意粉醫肚,今次睇怕家中早有飯菜準備,傍晚將近七點興趣班落堂後打道回府,直至廿四小時後第二晚七點,才見李若彤與姨甥女出門口。

錫到姨甥女燶,李若彤有禮又爽快企定定接受記者訪問,不過就先旨聲明,唔准拍姨甥女入鏡:「佢三歲前都喺我屋企住,我哋今晚去同屋企人端午做節。(有陰影唔敢再拍拖?)我係冇期望亦冇憧憬!(有冇人追𠵱家?)冇!真係冇!你睇下我……你睇下我……你哋都見到我星期五、六、日做緊咩(係唔係希望擺曬喺姨甥女度?)唔係,我由細照顧到佢大,係有好深感情,但佢唔係我嘅女……唔可以用希望……係盡自己能力照顧佢多啲啫。(未來會唔會再幫無綫拍劇?)唔會喇,佢哋又唔鍾意外援,我又唔會同無綫簽約,要簽當年拍《神鵰》都簽咗啦(長約)!今次都係純粹因為志偉!」講足十分鐘,姨甥女聽話乖乖上車等,李若彤就一路答一路提醒記者唔好影相,真係似足母女!

怕夜唔慶功

平日湊姨甥女放學返興趣班,週末就帶埋姨甥女家庭日,深閨湊女嘅李若彤週日難得出動出席電視劇大結局活動,不過就做完門面功夫即撇,缺席當晚志偉吹雞的慶功活動。

美魔女李若彤趕住返閨唔去慶功,中女撐場玩到尾嘅有逢劈必到的江欣燕(圓圖),加埋張慧儀和袁潔瑩;後生版就七個去齊。

劇集大結局,鄭丹瑞都湊番自己個親生女鄭王民去慶功。

在自家食店「大中華」食小菜慶功,十一點飲到四點,志偉又再飲醉被抬上車。



鍾意就快D Share啦!