2014年6月4日 星期三

[FACE 367] 零反抗 曾志偉接濟 楊思琦墮土豪抽水飯局 志偉,思琦,楊思琦,曾志偉,MF,




上週四( 29日)思琦為 12萬酬勞以泳裝上陣出席商場騷,生完女的思琦身形未見走樣。

真面目

零反抗 曾志偉接濟 楊思琦墮土豪抽水飯局

自 12年 3月為「空心」吳帥誕下女兒楊卓穎之後,思琦妹一直身兼父職孭起頭家。剛於上月約滿大台,思琦妹決定不續約,更在曾志偉拉線下傾掂拍內地電影《午夜蝙蝠》,酬勞有 50萬人仔,片酬算比喺大台拍劇好。

有收穫當然要有付出,據知思琦妹於上月 24日往銅鑼灣一酒家應酬《午》片的投資方和導演時,就在飯局上被眾人熱情招待,更有唔少身體接觸。恩琦亦向本刊直認:「係同導演佢哋食飯,不過佢哋個個都對我好好……。」見盡風浪的思琦妹有口難言。

即將 36歲的楊思琦, 11年搭上「空心」吳帥,飛起拍拖 9年的李泳豪而令形象插水, 12年更在美國洛杉磯秘密生女。生女後回港雖有製作資源部總監樂易玲和外事部副總監曾醒明前來接機,不過之後的工作買少見少,大台只安排她接奀騷奀節目,劇集更只拍過 4套,角色二、三線,收入大減。

內地片女一

近年接多咗內地 show,思琦開始在國內打響名氣,離開大台即做國內電影女一。

01年參選港姐時,思琦已經識咗曾志偉,多年來志偉不時有關照思琦,去年就曾經以性感水著參加過《超級無敵獎門人終極篇》。

圖片

志偉關照搵人仔

「生完女之後,大台一直都冇 job畀佢,有好多大陸 show都係對方搵上門,公司就淨係安排佢做啲母親節節目,或者主持嘅 job。」思琦友人向本刊透露。

上月思琦正式離開大台。為咗個女,思琦離開大台前已初步答應以 50萬酬勞接拍內地電影《午夜蝙蝠》,預計 9月在四川開拍。

上週五( 30日)思琦在電話說:「價錢好快就傾掂喇,預 9月拍,係驚慄笑片。我唔知會唔會有咩性感位,不過佢哋應該唔使我有咩裸露呀、性感嗰啲啦。會同音音姐(邵音音)、梁小龍仲有林威合作,男主角就未公開得。呢部戲志偉哥會做總策劃。」

銅鑼灣飯局

上月 24日思琦出席《午》片 8人飯局,當晚有份演出《午》片的英皇藝人王嘉慧(左二)及邵音音亦有出席,當晚恩琦及王嘉慧被狂隊紅酒。本刊曾致電邵音音,她說冇留意到思琦被抽水。

網上圖片

上月 18日,思琦孖住導演馬玉成(左一)、林威(左二)和梁小龍(右一)到四川出席新戲《午夜蝙蝠》發布會。

網上圖片

「個個都對我好好」

早在 4月思琦已跟《午》片製作人以及導演見過面,上月 18日思琦去到四川參加新聞發布會,估唔到 6日後,製作人、導演等又再專程來港邀思琦食飯。「個個都知思琦有個女,大家亦知道佢想搵錢,可以幫嘅都盡量幫,但係呢行始終好講交際應酬。」

據知上月 24日(星期六),《午》片製作人、導演、邵音音、思琦等一行 8人到銅鑼灣一酒家晚飯,思琦更被安排坐在各製作人旁邊,期間有人對思琦「特別」照顧,不時夾餸斟紅酒,更一度將手放在思琦背脊、膊頭和手背上,思琦有意縮開,想迴避對方。晚飯由 8時至 11時多,離開時製作人等都爭住送思琦返家。

上週四( 29日)思琦以泳裝出席世界盃活動,本刊向她求證是否曾出席飯局,初時思琦說「唔記得」,後來記者講清楚時間、地點,思琦即表示:「嗰晚係同新戲嘅導演食飯,(佢哋專登嚟香港搵你?)都唔係嘅,見嚇面,冇乜嘢。(佢哋同你有身體接觸?)佢哋個個都對我好好,其實都係見個面啫,冇咩嘢㗎!」娛圈潛規則,思琦一早經歷過啦。

已經 2歲嘅 Krystal(楊卓穎)係思琦心肝,思琦話暫時只係俾囡囡返 playgroup,唔想迫佢學太多嘢住喎。

網上圖片

做嘉欣阿媽

合約到期在即,大台才安排思琦參演《大藥坊》,只係比鍾嘉欣大五歲的思琦卻飾演嘉欣後母,不過思琦笑笑口話:「唔緊要,係一個新挑戰。」這亦是思琦最後一套劇。

美甲吸人仔

生女後思琦主要靠接國內 job搵食,早前就取代陳法蓉,成為某國內美甲店代言人。

網上圖片

思琦引狼

入行 14年,思琦經常被異性佔便宜,最嚴重一次要數 05年拍劇集《人生馬戲團》時的失蹤事件。

'05失蹤 2粒鐘

楊思琦於 05年到番禺拍大台劇集《人生馬戲團》外景,傳聞當時因同劇男演員得罪當地猛人,而發生楊思琦及鍾嘉欣失蹤 2小時事件。事後思琦只笑說:「根本無發生任何事,我想同觀眾講唔好誤會,娛樂新聞就係娛樂,笑過就算啦。」

《蘋果日報》圖片

'06老外狂攬

10月,楊思琦為品牌擔任 model,品牌的國際副總裁 Steve Holt在台上當眾對思琦妹又攬又錫,為保飯碗的思琦只能尷尬苦笑。

'11被灌酒

雖然當年未生 Krystal,不過向來慳到盡嘅思琦係 job都接,當年 7月思琦單拖上深圳登台,當日著住低胸連身裙嘅思琦就不時被賓客灌酒,搭膊頭,最慘係單拖,想擋都擋唔曬咁多。

《忽然 1周》圖片

《忽然 1周》圖片



鍾意就快D Share啦!
Related Posts Plugin for WordPress, Blogger...