掃呢頁CODE去手機

2014年6月23日 星期一

冇免費波睇 阿Sa怒罵無綫 阿Sa,BKD_S,蔡卓妍,




冇免費波睇 阿Sa怒罵無綫



其他影片:>>






冇得免費睇世盃鬧無綫 阿Sa:傷心+憤怒

無綫重奪今屆世界盃香港轉播權,但只選擇性免費播出22場球賽,其餘42場則在收費頻道播出,令市民怨聲載道,連蔡卓妍(阿Sa)也憤怒了!原本她打算昨晚淩晨相約好友們到其家收看阿根廷及德國賽事,誰知半夜才發現無綫冇得播,終忍無可忍在微博憤怒鬧爆!

四年一度的世界盃盛事,本應是全民盡興,現竟變成全民盡「㷫」!無綫獨攬今屆世界盃香港轉播權,勞師動眾派攝製隊遠赴巴西直擊,又重金禮聘資深評述員香港、巴西輪流講波,營造普世歡騰格局,但市民最關心還是能否像16年前一樣,可在家中收看免費球賽,惟無綫只選擇性播出其中22場,僅僅滿足國際足協最低要求。

無綫聲稱花了近4億元投得轉播權,不少人認為將部份賽事安排在收費台播出亦無可厚非,但無綫的播波安排又很值得商榷。就如無綫一口氣先播出17場分組賽事,似是先給予市民甜頭,到市民發現關鍵的第3場分組賽、16強及部份8強賽事共42場冇得免費睇而欲罷不能時,只好科水裝收費台或安裝270元的app。再者,周末本應是上班族最佳睇波日子,因可睇波消夜飲早茶直落而沒「後顧之憂」,偏偏上周六(21日)淩晨的分組賽意大利對哥斯達黎加、昨日淩晨的阿根廷對伊朗,以及德國對加納都冇得免費睇。



■今屆世盃舉行至今,無綫從未免費播過一場阿根廷的賽事。美聯社



■阿Sa對於冇得免費睇世界盃大感不滿,昨日淩晨在微博炮轟無綫。



■阿Sa被迫跟收費台簽約一年,世界盃完結後想取消頻道還要補差額,她認為相當不值。資料圖片

硬簽一年約呻唔抵

身為阿根廷擁躉的阿Sa,前日下午參加完公投後,原本打算昨日淩晨為愛隊打氣,扭開電視才知中伏!原來她邀請了大班好友到訪,萬分尷尬的她便在微博鬧爆無綫:「好可憐!難得能在家看世界盃……但發現竟然不能免費收看!一定要買收費的頻道才可以看!甚麼回事!」阿Sa直言香港比內地更落後:「反而前幾天在杭州工作,一打開電視就有了!我現在的心情是傷心加憤怒!」記者昨致電給阿Sa,她仍怒氣未消:「憤怒係叫曬朋友嚟屋企睇波,點知睇唔到,覺得好𤓓!最後惟有畀錢睇,自己唔知要畀錢睇,因為之前可以睇到,跟住喺內地做嘢又可以睇,噚日返香港以為有得睇。」問冇免費波睇對港人是否很不公平?阿Sa說:「兩個角度睇,作為市民,呢啲國際盛事梗係想隨時睇到,但唔評論個別機構商業策略,佢哋使筆錢買版權,唔知足協簽幾多場,內地相信都係買返嚟,但可以免費睇;無綫作為商業機構咁做我理解,但自己只不過普通市民,梗係希望場場免費皆大歡喜。自己支持阿根廷同德國,𠵱家畀咗錢乜鬼都睇,最主要好少喺屋企,亦好少開電視,畀錢等於簽12個月約,世界盃完咗唔想要呢個頻道要補差額,硬畀12個月錢好似有啲唔抵。」



■陳貝兒在巴西採訪時慘遭洋漢錫面抽水,無綫將片段照播出街。電視圖片

鍾舒漫盼人人睇到

鍾舒漫昨日亦在電話中說:「我覺得每逢世界盃,各個機構都想藉此賺錢,見到呢啲情況唔覺得出奇。諗番以前細個可以由頭睇到尾,唔會去到16強要收費。世界盃係世界盛事,應該全部人都可以享受到。」至於now主持梁奕倫則電話炮轟無綫之餘,亦向政府連消帶打:「TVB同香港政府一樣冇得救,你有你鬧,佢有佢霸道。用佢哋認為已善待你的做法對待香港市民。」



■陳貝兒獲無綫安排遠赴巴西直擊世界盃。

微博圖片



■鍾舒漫慨嘆以前世界盃可以免費由頭睇到尾,不會去到16強便要收費。

資料圖片

此外,日前無綫播出巴西採訪團隊的片段,見主播陳貝兒慘遭洋漢錫面抽水,但無綫照播出街,即被網民指摘護花不力。

採訪:皓騫、小米

識睇 一定睇蘋果嘅足動世盃:

http://worldcup2014.appledaily.com/



鍾意就快D Share啦!