2014年7月29日 星期二

黃柏高63歲生日 千嬅安仔到賀 鄧麗欣透底薄裙搶鏡 安仔,黃柏高,鄧麗欣,楊千嬅,千嬅,BKD_S,許志安,




【生日大晒﹗】黃柏高63歲生日 千嬅安仔到賀 鄧麗欣透底薄裙搶鏡

2014-07-28 20:21:00



(攝影:陳順禎)

聽日係金牌經理人黃柏高(Paco)嘅63歲生日,今晚Paco喺佢灣仔有份投資嘅意大利餐廳開生日P,Paco旗下藝人當然盛裝到賀,包括身穿性感透底薄裙嘅鄧麗欣(Stephy),不過佢同男友方力申前後腳現身。Stephy表示冇買嘢畀Paco:「知佢鍾意飲酒,今日又係餐廳開張,同佢飲過。」

問到小方係咪加盟太陽娛樂當賀禮?佢就笑稱:「遲啲先講,合約未完。」

眾所周知,Paco最愛摸酒杯底,所以旗下藝人都好識做,好多都係送酒當做生日禮物;而剛加盟嘅Janice Man(JM)表示送酒同服飾配件,陳奐仁就帶埋老婆出席,而好友李丞責同老婆劉倩婷就送上絕版威士忌及平板電腦。

另外,楊千嬅及老公丁子高﹑梁漢文﹑谷德昭﹑許志安﹑彭浩翔及葉念琛等都有出席生日P,其間Paco與眾星影大合照,Paco開心到拎住支酒擘大口,好high喎﹗

見到安仔「兩梳蕉」到步,佢話生日禮物要後補,問到點解冇帶鄭秀文出席?安仔解釋:「佢要做嘢,我有問過佢。」

至於千嬅同丁子高拍拖到場,惟千嬅逗留一陣就閃,因為佢要出席電影《分手100次》首映。問到買咗啲乜嘢畀壽星公?千嬅表示:「買咗啲佢好鍾意及一定會用嘅嘢。」但千嬅拒透露係乜嘢禮物:「講咗冇驚喜,等佢自己拆。」

另外,晚上近十點,小肥單拖到場,見到手挽一個Duty free袋,佢就話啱啱喺澳門做完嘢返嚟,所以買咗酒送畀Paco。至於林家棟亦有赴會,問到係咪不醉無歸,佢話:「唔係,只係飲兩杯咋,因為聽日要開工。(送乜嘢?)唔使啦,咁大個人,不過其實都有準備。祝佢身體健康!」

祝Paco生日快樂﹗



葉念琛



沈震軒



谷德昭及彭浩翔



JM表示送酒及服飾配件畀Paco



梁漢文



JM落車的一刻



許志安



楊千嬅



丁生丁太



Stephy條裙真係有啲透0架﹗



大合照﹗



Paco幾開心﹗



擘大口呀﹗



Paco與方力申及鄧麗欣合照。





鍾意就快D Share啦!
Related Posts Plugin for WordPress, Blogger...