【新鮮娛頭】周子揚認戀何傲兒: 我係認真嘅！
2014-07-29 07:00:00
周子揚同何傲兒嘅「兒子戀」，為「爺孫戀」劃上句號。
何傲兒（Lily）被指跟76歲林建名譜「爺孫戀」，原來真命天子係西貢地王太子爺周子揚，本報拍得Lily同周子揚拍拖到九龍灣MegaBox睇戲親熱照。
據知二人已經拍拖一個月，周子揚接受電話訪問時直認不諱，佢話：「我係認真嘅！」他大讚Lily係個孝順上進好女仔：「Lily係個非常好嘅女仔，好孝順，唔係啲人講咁樣。」不過何傲兒被指貪錢，佢就護住女友：「絕對冇咁嘅事，我哋去街都好隨便，去到邊食到邊，同佢拍拖好舒服！」致電何傲兒求證拍拖一事，佢就表示不作回應，隨即掛線。
前晚何傲兒同周子揚出席慶功宴，Lily被問到「爺孫戀」時表示會積極約會其他異性，又忽然主動提起周子揚，仲自爆日前同對方出外用膳。訪問期間兩度以周子揚作擋箭牌，主動同男友合照。
周子揚同何傲兒被本報拍得車廂激咀斷正。
何傲兒前晚兩度以男友周子揚作擋箭牌。
|
鍾意就快D Share啦！
|
|
|
