2014年7月12日星期六

四年內不定期爆家暴可嵐飲泣：要喺囝囝面前扮開心可嵐,

【短片】【可嵐開記招】四年內不定期爆家暴可嵐飲泣：要喺囝囝面前扮開心

2014-07-12 13:43:00

其他影片：>>

【可嵐開記招】四年內不定期爆家暴　可嵐飲泣：要喺囝囝面前扮開心

可嵐喺尖沙咀召開記者交代家暴風波，問到家暴事件喺結婚之後幾耐發生？佢就話：「報道裡面已經有曬，你哋可以自己睇。」

咁可否交代多一次呢？佢話：「四年內不定期咁發生（家暴）。」問到最嚴重嗰次傷害係幾時？佢又話：「因為關乎個Case，要交番警方處理，不能透露太多。」

咁外家知唔知佢老公有呢啲問題？可嵐話：「我唔清楚，因為都好少聯絡，自己家人都知嘅，媽媽都知我兩公婆有拗撬都好心痛，佢睇到報道後都有喊，好難過，自己係單親家庭長大，唔想個仔都係單親家庭長大，所以呢一點我媽媽都身同感受。」

問到佢經濟狀況如何？佢話：「我始終係一個師奶仔，要搵返穩定收入，之前屋租係先生負責，0依家佢搬走咗，所以冇交租，所以我同業主溝通返，希望佢體諒我0依家情況，但亦會物色新地方，喺囝囝面前扮到好開心。（囝囝知否你哋離婚？）佢會問爸爸係邊？我會答爸爸工作好忙。」

另外，可嵐寫咗首新歌叫《愛‧傷了》，係咪因為有呢個經歷，所以寫呢啲歌？佢話：「首歌係年半之前寫，本身想寫福音歌，首歌係關於愛，裡面有自己經歷，（教會啲人知唔知？）都知，佢哋意見叫我唔好離婚，因為自己同人分享，唔可以講得太深入，佢哋話床頭打交床尾和。」

問到藝人朋友喺金錢上有冇幫助？佢話暫時未有。咁係咪無論老公點挽回，都會作出離婚決定？佢話：「到目前為止，對囝囝最好方法，就係（同老公）分開先，（老公對囝囝鬱手？）唔係，佢好錫囝囝。」

有指佢老公有躁狂症，咁有冇睇醫生？可嵐話：「以我所知，佢未睇醫生，0依家個Case有社工跟進緊。」

可嵐表示發生家暴其間，要喺囝囝（圓圖）面前扮開心。