2014年7月16日 星期三

[FACE 373] 江嘉敏 多謝導演 江嘉敏,MF,




Beauty Hunt

江嘉敏 多謝導演

導演麥曦茵發掘新人有一手,之前有王敏奕拍大台劇紅咗,嚟緊新作《曖昧不明關係研究學會》又有新女上場,搵到年僅 19歲的江嘉敏( Kaman)做第二女主角。有幸俾麥導演睇中, Kaman鬼咁開心:「其實我一直都想做演員,好多謝麥導俾機會我」

Profile

江嘉敏 Kaman( 19歲)

fb專頁: Kaman Kong江嘉敏(粉絲人數: 2,565人)

Instagram: kaman_kong(粉絲人數: 2,216人)

江嘉敏 19歲女夠晒嫩口,兼笑容陽光典型少男殺手格局,拍過護膚品廣告又拍過便利店電視廣告,但她一直靠自己接 job。江嘉敏坦言拍廣告只是踏腳石,「我一直都好想做演員拍戲,但係又苦無門路喎,後來有啲朋友介紹我去接一啲平面廣告做,咪一路做一路等機會囉,我唔簽 model公司係因為想自由度大啲,好似我會自薦去拍微電影,又可以揀自己鍾意嘅 job,如果簽咗 model公司就冇咁自由」

Kaman(左二)在多齣微電影中都是演深沉的角色,直至麥曦茵的《瞹昧》才做回自己,演學生妹,仲同王敏奕(右二)有對手戲添。

在《曖昧》劇中, Kaman做一腳踏兩船學生妹,佢話:「我有好多地方要再努力,導演都俾咗好多意見我。」

孖住王敏奕

做咗年幾 model, Kaman終於有機會俾導演麥曦茵睇中,於港台單元劇《曖昧不明關係研究學會》中孭重飛。

江嘉敏說:「我之前幫麥導演拍過一次 MV,所以佢記得我啩,劇中王敏奕係第一女主角,我叫做第二女主角啩?哈哈!」麥曦茵對新人出名嚴厲, Kaman新手拍劇當然唔好受。「佢開頭都有話我做得唔好,唔識做戲,好多地方要改善㗎,後來終於聽到佢讚我有進步,我鬼咁開心呀!」

為咗爭取演出機會, Kaman自薦拍微電影《野犬與貓咪》,片中除咗做女殺手外,仲有激罕露罅鏡頭。

早排喺電視狂播嘅 7-Eleven廣告, Kaman完全爆發可愛港女潛力,「都係有人叫我去 casting,好在出嚟反應都唔錯。」



鍾意就快D Share啦!
Related Posts Plugin for WordPress, Blogger...