2014年7月16日 星期三

[FACE 373] 瞓住睇 搞大被同眠世盃 P 大埔 LuLu匿吧枱拒陪客 LuLu,董嘉儀,MF,




週日凌晨巴西大戰荷蘭,董嘉儀( LuLu)一早在 cafe打點,卻一直在吧枱內未有招呼客人。

真面目

瞓住睇 搞大被同眠世盃 P 大埔 LuLu匿吧枱拒陪客

德國捧走今屆世界盃成大贏家,人稱燈神的大埔 LuLu(董嘉儀)亦趁世界盃大撈一筆,除咗密密接騷兼做埋張智霖演唱會嘉賓之外,她在旺角開的睇波 cafe「 Party Home」亦食正世盃熱,晚晚幾十個𡃁仔 book場睇波賺到笑!

本刊記者在季軍戰當晚親身視察,發現 1600呎 cafe坐無虛席, LuLu更提供埋軟墊同冷氣被畀球迷瞓住睇波,不過 LuLu似乎唔多喜歡熱鬧,一直匿喺吧枱避免同班以 MK為主的𡃁仔客有正面接觸,開波前更閃入房唔見人添!



其他影片:>>LuLu陪開波






燈神 LuLu今年 5月約滿 nowTV,主持工作未有着落,上月便與朋友合資共 60多萬,在旺角塘尾道一工業大廈開樓上 cafe「 Party Home」,佔地 1,600呎,月租約$25,000,安裝特大投射熒幕招待球迷齊齊睇波,以燈神 LuLu波妹形象食正世界盃條水。

坐前排的球迷有男有女瞓喺地下,冚埋被添,咁舒服會唔會瞓着或者搞出事㗎?網上圖片

LuLu男友就負責招呼客人同做埋公關,主動幫女友同客人合照。

開波冇耐 LuLu便閃入休息室,途中有粉絲要求合照,她都沒有托手踭。

21歲的 LuLu出名球壇明燈,估乜輸乜反而人氣急升,索性做埋老闆娘以波會友。

Cafe變睡房

連月來 LuLu非常落力見報宣傳,世界盃期間更不時在「 Party Home」 facebook留言,又表明自己會現身同客人一齊睇波;女神做得生招牌當然引到唔少猛男捧場,幾乎晚晚八、九成滿座。

週日( 13日)凌晨季軍戰巴西對荷蘭,記者亦是座上客。開場前兩小時 LuLu已在場內打點,但她沒有招呼客人,只一直在吧枱內執拾及沖飲品給自己, LuLu男友 Dean和其他工作人員則負責招待客人。 cafe內備有大型軟坐墊給最前排球迷,現場所見有男有女齊齊躺下,有些更蓋上冷氣被,好有大被同眠 feel。

至於 LuLu開場後不久才步出吧枱走向休息室,途中有幾名青少年截住 LuLu要求合照,她亦大方答應,更叫男友充當攝影師,影完相 LuLu便獨自走入休息室,餘下球賽至清晨 6:30客人全部離開都沒有再現身。

上星期張智霖個唱,曾經拍過〈你是如此難以忘記〉 MV的高登女神 LuLu、魯芬、美棋 BB同杜小喬都成為嘉賓。

大埔 LuLu早前同前經理人兼廣告導演 Dean拍拖,本刊 4月曾拍到 2人繑手行街,事後 LuLu認感情穩定,結婚則言之尚早。

「想舒服啲啫!」

LuLu稱 cafe搞派對時最多可容納 60人,平時睇波因為唔使布置可容納約 100人。

翌日記者致電 LuLu,她稱生意唔錯好滿

意:「啲重要賽事都有八成滿,又有人打嚟 book場搞 event呀、 party呀,個個星期都 book到兩三日,好滿意呀!」她說世界盃期間最爆坐滿 100人,自己都有功勞:「我哋喺 facebook宣傳,我差唔多晚晚喺度做生招牌囉!」對於匿喺吧枱又走入休息室冇招待客人,她說:「好多 partner幫手,我唔係怕俾人騷擾,我怕騷擾到啲客就真!」她又解釋會盡量同客人一齊睇波,但有時太忙未必睇足全場喎。

至於有人大被同眠, LuLu否認:「邊算大被同眠呀?佢哋想舒服啲啫,驚冷氣凍啫!大家都係睇波,唔好亂諗嘢!」搞世盃 P為 cafe賺到幾錢? LuLu則表示自己是數學白痴:「 Partner未有咁快計到條數,呢啲嘢我唔多理㗎!」做老闆娘點可以乜都唔理㗎!

新 cafe等攞牌  LuLu: Partner會搞!

LuLu打骰的「 Party Home」 6月開始試業,世界盃賽事期間每場人頭費$60任飲冇酒精飲品,更提供零食和杯麵,雖說價錢平頂爛市,但以每場球賽 80人入坐計,一晚營業額達$4,800。

而在工業大廈開設這類 cafe,因不設酒精飲品及沒有明火煮食, LuLu只需申請商業登記證便可營業,根據稅務局有關「業務」申請條例, cafe需於開業後一個月內申請商業登記,即是說「 Party Home」係時候申請喇, LuLu就話:「我唔係負責呢啲嘢,我 partner會搞㗎喇!」被人當無牌經營就唔好

LuLu經常在「 Party Home」面書 po相 sell鋪內玩意, LuLu仲留言:「我都會睇」,一班燈神迷仲唔即刻撲去買飛咩,不過匿埋睇冇陪客玩,有啲貨不對辦。

世界盃賽事當晚,齋睇門外幾十對鞋就知 LuLu有幾旺場。

店內提供汽水、樽裝水和紙包飲品等非酒精飲品任飲。



鍾意就快D Share啦!
Related Posts Plugin for WordPress, Blogger...