掃呢頁CODE去手機

2014年7月28日 星期一

是非廣告少交流 金秀賢被逼受G.E.M.媾 金秀賢,鄧紫棋,G.E.M.,G.E.M,




【韓流】是非廣告少交流 金秀賢被逼受G.E.M.媾

2014-07-28 08:20:00



二人互動少之又少,只得兩組對手戲。

憑韓劇《來自星星的你》爆紅嘅金秀賢,上月初同鄧紫棋(G.E.M.)喺上海拍攝朱古力廣告,但合作前離奇爆出同居緋聞,搞到金秀賢即刻落閘,出動「分酒店」、「拒合照」同「禁交談」三招來隔絕G.E.M.埋身。呢個朱古力廣告近日曝光,可見二人互動少之又少,只得兩組對手戲,G.E.M.要唱歌跳舞甜笑媾金秀賢,但最終連男神嘅手仔都冇得掂!

呢個是非多多、長達3分鐘有多嘅朱古力廣告叫《心的節奏》,以歌舞劇形式拍攝。一開波,着住桃紅色裙嘅G.E.M.便大賣嬌俏,喺男侍應伴舞下又唱又跳,有幾耐佢就中坐埋一邊彈結他嘅金秀賢。咁啱落起大雨,G.E.M.即刻開遮擔凳擺媾仔陣,順利引到金秀賢到佢度避雨。

廣告中,兩人交流場面少得可憐,G.E.M.遞出包住朱古力嘅手巾,向金秀賢撒嬌說:「聽說,下雨天,巧克力和音樂更配哦。」順得人嘅金秀賢即刻拿起結他來彈,但未知是否受到緋聞影響,金秀賢有啲強顏歡笑,而G.E.M.遞手巾時,亦未能趁機摸男神嘅手仔。之後金秀賢望住G.E.M.離開位走去跳群舞,兩人交流完結。

雖然金秀賢喺廣告45秒先出場,但據知佢收500萬人民幣酬勞,G.E.M.只係佢嘅一半。金秀賢只要輕輕鬆鬆彈結他,連對白都唔使講就可以袋袋平安,反而G.E.M.嘅拍攝時間比他更長。



呢個是非多多、長達3分鐘有多嘅朱古力廣告叫《心的節奏》。







金秀賢喺廣告45秒先出場,但據知佢收500萬人民幣酬勞。













鍾意就快D Share啦!