掃呢頁CODE去手機

2014年8月30日 星期六

遭落案起訴 周永恒認推趙頌茹落地 流血入院 趙頌茹,




【周永恒涉家暴】遭落案起訴 周永恒認推趙頌茹落地致流血入院

2014-08-30 12:38:00



現年30歲前歌手周永恒(Roy)同有「翻版Sammi」之稱嘅妻子趙頌茹(阿Yu)噚晚驚傳家暴,據報事發於上周日(24日),Roy與妻子前往天水圍天盛苑探望父母,雙方於大堂發生爭執,阿Yu被推跌地上,面部受傷流血,事後報警求助。警方拘捕周永恒並落案起訴,下月五日在屯門裁判法院提堂。

據知今次爆出家暴事件,同婚外情有關。消息指,事發時阿Yu向Roy追問男方婚外情一事,結果兩人於走廊爭吵,期間發生推撞,阿Yu被推跌受傷流血。經過再三考慮下,才決定於29日報案。

周永恒噚晚接受本報電話訪問期間,直認太太報警一事。佢話:「今日(噚晚)去咗差館。事發係24號,喺我媽屋企,我哋因為感情問題嗌交,佢衝出lift口,我推咗佢一下,之後我返入屋,聽到佢大嗌,我出返去,見佢下巴損晒,於是陪佢去醫院,跟住就返屋企。佢沖完涼就走咗,到依家冇返嚟。」



鍾意就快D Share啦!