掃呢頁CODE去手機

2014年10月31日 星期五

[忽然1周 - 1005] 陳敏之百萬私己錢開舖 陳敏之,MW,




陳敏之話唔會留喺屋企做少奶,會 keep住拍劇,仲話唔想靠老公,所以自己俾錢開舖,連身邊嘅志雲大師都讚佢有 120分。

媽咪姐

陳敏之百萬私己錢開舖

啱啱度完蜜月返嚟嘅陳敏之,又有喜事喇!佢籌備咗好耐、用咗過百萬私己錢開嘅曲奇餅店終於喺天后開張,為食嘅媽咪姐梗係要試吓啦。

嘩,開張嗰日,敏之一身紅裙 sharp到暈,嚟採訪嘅記者逼到去對面街影相,非常之咁有霸氣。不過,敏之最犀利嘅係 friend多,個個人到花籃到,差啲將左右隔籬舖都淹沒埋,就連志雲大師都着埋廚師衫做剪綵嘉賓,猛讚啲曲奇好食,敏之真係有辦法!得罪晒成村人嘅祖藍要學吓嘢嘞。

(左起)森美、鄭世豪、陳志健、林子善、歐倩怡、郭晉安、黃長興、伍詠薇、陳志雲、嚴淑明同薛世恒齊齊賀敏之,真係人強馬壯。

大批記者採訪,逼到去馬路邊影相,途人都眼望望。

敏之重點推介呢盒特色曲奇($236),小儀就大讚其中用意大利鯷魚做嘅曲奇夠鹹香,正!



鍾意就快D Share啦!