5月包到冚
今年５月，司馬燕到中環置地 shopping及 high tea。當日氣溫高達 30度，體弱的她要身穿藍色外套，仍未能遮掩其瘦削身材。發現記者時她報以燦爛笑容，看來精神不錯。
滾熱辣
急跌 20磅 入院昏迷 司馬燕腸腎衰竭
「我保證，你每個生日我都會陪你度過，直至永遠！愛你！」這一段愛的宣言，是司馬燕今年 7月慶祝老公吳忠義（ Togi）生日而上載微博的。
司馬燕近年一直與癌魔抗爭，可惜病情反覆。今日（ 10月 29日），她插住喉管臥病在牀，體重在兩周內急跌廿磅，只近 50磅，老公和兩子吳澋滔及吳澋耀 24小時守護在側。經診斷後發現司馬燕腎臟生了兩個瘤，腸、腎功能亦有衰竭迹象，以她現時的狀況根本不能動手術，需定時打嗎啡止痛，情況令人擔心。
司馬燕曾表示為了兩名兒子將來的生活，會變賣國內物業套現，安頓一切便再無牽掛。司馬燕不但樂觀對抗癌魔，更無懼死亡，坦言：「只希望到（走）時唔痛唔辛苦。」
人終有一死，有人帶着快樂地走，有人帶着憂傷而去， 51歲的司馬燕認為後者並非明智之選。
兩年前，她經檢查後發現患上胃癌，要即時切除整個胃。過着無胃生活的她，依然食得鮑魚飲得紅酒，生活如常。去年尾，她更一圓心願與老公到荷蘭古堡舉行一個豪華婚禮。但好景不常，其間她因為瘜肉增生壓住膀胱，而急急返港動手術，術後留有一條 12吋長，由腰背到膀胱位置的疤痕，每 3個月更要換一次尿管。
8月入院個半月
據知今年 8月，司馬燕曾因腹痛入院急救，當時情況非常危急，連說話都有困難，結果要留院個半月才獲准出院。至本月初，司馬燕再發現腎臟出現兩個瘤，腸、腎機能衰退、膽管閉塞，不時嘔吐，令身體不能正常吸收營養，體重在兩周內由 70多磅暴跌至現時只得近 50磅，入院時更一度昏迷，現靠打嗎啡止痛，及吊營養液來維持身體最基本需要。
抽組織驗瘤
其實司馬燕近半年身體情況不太穩定，近兩個月已不見她外出。據知情者透露：「 Michelle自從有事以嚟都好樂觀面對，同佢出街，佢反而安慰我哋：『冇事喎！我 OK呀！』 7月嗰陣仲有同佢傾電話，講嘢仲好有中氣。當時佢有提過腸胃唔係咁好，唔想出街，亦叫我哋遲啲先去探佢，點知冇見一排就出事。依家佢個腎嘅兩個瘤，醫生要先抽組織驗係良性定惡性。 Togi當然想老婆做手術切除啦，但 Michelle太瘦太虛弱，醫生擔心佢其他器官承受唔到，暫時唔可以做手術。」
姊妹發放正能量
司馬燕向來愛熱鬧，平日最鍾意一大班朋友開 party。相識滿天下的她，圈中亦有很多知心好友。
腫瘤科陳亮祖醫生：擴散會影響腎功能！
司馬燕今次再發現腎有腫瘤，雖然暫時仍未知屬良或惡性，但腫瘤科陳亮祖醫生表示：「如果腹腔有淋巴核，萬一翻發或擴散時有機會影響腎功能，如兩邊腎都出現問題就會引致腎衰竭，到時就要洗腎。」如真的患上腎衰竭，情況可大可小。
賣國內物業套現
一直積極面對癌魔的司馬燕，其實在患病後，早已安排好自己的身後事。據知她月前已聯絡了物業代理，希望盡快為她出售上海及北京的所有物業，並會全數轉到丈夫 Togi戶口。
司馬燕曾向本刊記者表示：「我唔擔心兩個仔日後嘅生活，因為我知道 Togi會照顧得佢哋好好。我老公唔識中文，唔會返國內，所以啲物業盡快賣咗去就最好，兩個仔出外留學同生活都唔成問題。如果我真係 time to go，希望我個告別會係喺酒吧搞，大家開開心飲住酒歡送我，唔好喊！」
大仔擱置赴英留學
據知早在今年中，身體並無大礙的司馬燕跟老公商量後，計劃下年讓大仔吳澋滔到英國讀大學。而在 7月尾時， Togi和大仔更一同到倫敦搵學校和視察環境，惟司馬燕病情急變，大仔赴英留學一事要暫時擱置。「 Ian（吳澋滔）知父母好想睇到佢大學畢業，但依家最重要係陪媽咪同支持媽咪，所以佢暫時都唔會離開香港。」知情者說。
全日臥牀休息
自司馬燕上周入院後，本刊記者多次致電她，但無人接聽。至上周六（ 25日）她才以 WhatsApp回覆，表示「 I'm ok！ Thanks！」。本周三（ 29日），其電話終由老公 Togi接聽。當記者問及司馬燕的現況，他以英語輕聲說：「 Michelle啱啱先上牀休息，其他事唔方便講。」隨後便掛上電話。
據知為了專心照顧司馬燕， Togi去年尾已經辭職。這數天，他與兩兒子都沒有回家休息， 24小時留守在病房內伴着司馬燕，家中外傭每日都煮飯煲湯帶往醫院。雖然司馬燕大部分時間都要臥牀休息，但每當有親友前來探望，她都會強忍痛楚，笑着與他們傾偈。
祝願司馬燕可以堅強地撐下去，笑着出院見大家。
兩年體重減半
2012年 10月司馬燕發現患有胃癌，隨即入院接受治療。當時她的體重已由 107磅急跌 30磅。經過兩年與病魔惡鬥，病情反覆，現時其體重跌至當年的一半，以她的 5呎身高來計算，絕對是皮包骨。
同病相憐 郭永淳前妻 Connie 瘦剩 59磅
|
鍾意就快D Share啦！
|
|
|
