熱爆娛樂: [忽然1周 - 1005] 王祖藍恃紅生驕　《老表 2》台前幕後唔多 like 祖藍,王祖藍,MW,

2014年10月31日星期五

[忽然1周 - 1005] 王祖藍恃紅生驕　《老表 2》台前幕後唔多 like 祖藍,王祖藍,MW,

咩啫，人紅咗係咁㗎（設計對白）

媽咪姐

王祖藍恃紅生驕　《老表 2》台前幕後唔多 like

媽咪姐呢排雖然忙住去佔領區撐學生，但都有 keep住八㗎！好似近排傳出喺《老表，你好 hea！》身兼編劇、演員嘅王祖藍，成日喺片場改對白，搞到「好好先生」郭晉安都有火，忍唔住喺片場當眾寸佢。查實呢，事情又點止咁簡單！

有幕後人同媽咪姐講，祖藍可能見《老表，你好嘢！》收得，呢兩年返大陸密密做扮嘢節目又搵埋唔少人仔，個人都囂咗。呢次拍《老表，你好 hea！》，佢樣樣都要揸 fit，除咗鍾意臨時改對白，仲猛同自己相熟嘅傳媒透露劇情，搞到監製都有微言，怕觀眾知道劇情後無驚喜嘛！不過大台無人，祖藍依家紅咗，大家咪惟有啞忍囉。你以為祖藍同記者透露咁多劇情係緊張套劇？其實身為主角兼編劇嘅佢，竟然一直缺席宣傳活動，得郭晉安、萬綺雯同張繼聰等撐住，大家梗係唔 like好嘞，等到王大忙人終於應承出席周四（ 30日）嘅宣傳活動，大家度好搞扮鬼扮馬派對，諗住食正萬聖節襯番《老表》系列嘅扮嘢本色。

點知王祖藍一聽到 idea，就話佢係基督徒，唔可以慶祝萬聖節喎。就算宣傳人員話只係當開 party，佢都企硬唔做。咁你係主角大晒嘅，咪惟有唔用呢個 idea囉！萬綺雯、羅蘭姐同阿 Bob等成班演員本來好開心諗好扮相，依家不知幾咁失望。

媽咪姐想講，成日扮鬼扮馬嘅羅蘭姐都係天主教徒。信仰係要尊重嘅，但做人最緊要係問心無愧，與人為善啫。