全城熱爆的娛樂八封新聞 & 時事趣聞 & 生活 + 趣聞
潮到爆 全身打扮判若兩人，只係短短兩個月，就由大媽升呢做潮人！
兩個月，只係兩個月啫，點解差別咁大？就喺八月嗰陣，李蕙敏（ Amanda）仲係一個入型入格嘅師奶，但今日，佢已經一身潮帽、皮褸、型 boot，真係令媽咪姐眼前一亮！不過型還型，咦，依然唔見佢個老外老公 Serge喎，呢日 Amanda都係一支公去 ifc行街。本來一個女人自己行街係好正常嘅，但連買飛睇戲都係一條冷，寂寞咗啲噃！老公仔要做啲嘢嘞。
娘到震 李蕙敏兩個月前嘅呢個 hea爆師奶 look真係令人難以忘懷！
潮得嚟都要有型格，自己一條冷買飛睇戲，勁呀！
