2014年10月24日星期五

同阿佘翻撻？鄭嘉穎：呢個moment以朋友關係最舒服鄭嘉穎,佘詩曼,阿佘,

【復合的可能性...】同阿佘翻撻？鄭嘉穎：呢個moment以朋友關係最舒服

2014-10-23 23:19:00

今晚鄭嘉穎、何佩瑜(Jeana)同Mandy Lieu等出席活動，Jeana今日着得唔多性感，佢話幾鐘意條裙，隻色舒服，又話嚟緊有新片12月上畫，o依家拍緊《鴨王》，同何浩文（Dominic）做伴侶，Jeana話：「我係演一個女導演，都幾得意，做咗好多功課，參考咗好多哥哥(張國榮)嘅嘢，最最近去完西雅圖買咗3幅畫，人大咗鐘意嘅嘢唔同咗，托朋友買咗部琴，想學彈琴，好鐘意一啲電影配樂，好想去學。」

鄭嘉穎今日都有遲到，佢係咪講唔好意思，話以為8點，問到佢又傳同佘詩曼復合？佢就解釋：「個晚好簡單，我參加曹永廉生日飯，阿佘喺隔離房另一個飯宴，咁巧合見到啫，令大家有咁多聯想空間，都有傾偈。」

阿佘有冇過嚟玩？佢話：「有，佢都識o架嘛，佢喺另一個party，其實就係咁簡單。」咁有冇機會翻撻？佢反問：「即係我追唔追返佢？我覺得感情嘅嘢，冇話邊個追邊個，邊個主動唔主動，timing係最緊要囉，凡事都係講timing。」o依家timing ok？佢話:「呢個moment以朋友關係係最舒服。」

咁有冇第2個啱timing，佢就話:「緣份到話你知。」問到最近忙咩？佢話:「聽日返內地，會不停飛，劇就唔會咁快，年紀亦唔細啦，主要重質，量唔會好似以前咁拍法。」

同場嘅Mandy Lieu亦遲到，佢話剛喺上海返嚟，同彭于晏拍《破風》，第一次同林超賢合作覺得開心，不過佢喺入面唔使踩單車，覺得班男士好辛苦整到好傷咁樣。