掃呢頁CODE去手機

2014年10月24日 星期五

[忽然1周 - 1004] 撐出糧遭滅聲 亞視嘟姐慘遭雪藏 亞視,MW,




筱靖多年來出錢出力支持亞視,本周卻遭公司「雪藏」,理由是她兩年前承認月薪七千及近日講「出糧是天經地義」。

娛樂喧

撐出糧遭滅聲 亞視嘟姐慘遭雪藏

亞視欠薪問題一直未解決,截至 10月 22日仍未向員工發放九月薪金,內部曾一度斷廁紙斷蒸餾水。有「亞視嘟姐」之稱的筱靖,上周( 14日)出席活動時為冇糧出同事發聲,指「出糧是天經地義」,翌日被煞停原本周日( 19日)亞姐評判工作,更被全面雪藏。

遭滅聲後,周一( 20日)筱靖餘怒未消說:「我俾人秋後算帳!」。「亞視一哥」劉錫賢亦幫口撐:「公司已經冇乜人用,我會搵筱靖了解吓!」







去年盛品儒落台,到政總示威,筱靖(圈)及蔡國威當日擔當主持撐亞視。

兩年前亞視為維穩,力撐國民教育,王征帶藝人到政府總部集會。當時筱靖擔任活動主持,更與王征跳「騎呢」舞。亞視迫藝人返學,筱靖亦返足。隨後她獲賞識,擔任多個節目主持,被封「亞視嘟姐」。

昔日聽教聽話的她,與香港學生一樣,最終忍唔住上頭不公平對待,企出嚟發表訴求。上周二( 14日),筱靖以亞姐評判的身份出席活動,談到被拖糧,她指「出糧是天經地義」,不料即被 cut掉所有工作。

「星期一筱靖收到公司通知,叫停佢所有工作,連做開嘅《星動亞洲》都冇得留低。高層解釋話唔鍾意佢講自己月薪得七千喎,其實呢件已係兩年前嘅事,有人借題發揮啫。」幕後人員透露。

朱慧珊避忌

問到朱慧珊,她表示有信心亞視有糧出,但問到筱靖遭滅聲,她就以「忙碌」為理由怱怱收線。

劉錫賢力撐

公司已經冇乜人用,我會搵筱靖了解吓!(真實對白)

豪花四千發洩

本周一下午,筱靖在又一城出現,她先到 Cova下午茶,之後便逛名店濕平。最終豪花四千元,化悲憤為購物慾。

離開時,她向本刊直認被公司「雪藏」,又呻自己貼錢打工,試過為公司活動花五萬蚊買枱。她月薪得七千,買張枱即是要白做七個月!

記:記者筱:筱靖

記:突然抽起你亞姐的評判工作?

筱:公司覺得唔適合。

記:其他工作都冇你份?點解?

筱:可能公司覺得我同傳媒講咗啲唔適合嘅說話

記:因為你講過「出糧係天經地義」?

筱:仲有承認月薪七千,其實都係兩年前講。

記:依家至俾公司算帳?

筱:咁耐以來,我都撐公司。公司台慶賣枱,我都拎五萬蚊出來買成張枱。公司需要禮餅,我又俾(筱靖祖父經營餅業)。

記:有冇同公司反映過?

筱:有打返去藝員部問,佢哋話係高層意思,我都唔知搵邊個講。我終於明白點解學生要佔中囉!我覺得俾人秋後算帳!

筱靖俾公司「雪藏」後,獨自 high tea,其間樣子愁爆,不時㩒手機解悶。

High tea後便往 shopping,在又一城內血拼三小時,買了三千元護膚品及一千元朱古力。

春晚主持

筱靖亦曾在亞視的春晚節目上擔任司儀。

谷胸撐亞生

去年在亞洲先生宣傳活動上,筱靖谷胸上陣,又任猛男抽水,為公司搏到盡。

猛料祖父

筱靖的祖父陳培,有「酵母引進之父」美譽,十多年前已獲國務院頒發終身成就獎,身家數以億計。

發聲明穩定軍心

亞視拖員工九月的薪金,反而王征則在微博擺外遊照,懶理員工死活。

亞視在本月 17日發聲明,指公司會於周五( 24日)發放九月薪金,但內容冇提及十月及以後的薪金會否如期發放。據知,發出該聲明的目的除了穩定軍心外,也希望向外界展示亞視並冇負債,從而向買家抬高身價。

早前盛傳呂志和、周焯華、林建岳和楊受成都有意購入亞視,可惜一直只聞樓梯響。「王征出價十五億,好多富豪都嫌貴,出價最高係英皇嘅楊受成,但都係唔夠十億,王征嫌未到價唔賣。亞視依家搞到拖糧,睇嚟王征應該愈來愈心急脫手!據知有三間中資背景嘅公司肯出十億以上買,但傾唔傾得掂就要睇王征肯唔肯減價嘞。」知情者說。

稱周五發薪

上星期,亞視出公開信,強調於周五( 24日)會發放九月的薪金,同時表示亞視並冇負債,從而向潛在買家抬高身價。

中港都滅聲

滅聲維穩之風近年愈吹愈盛,當權者順我者生,言論自由日見可貴。

大台要吳啟華封口

學生示威引發的「佔中」運動已持續多日,早前吳啟華出席活動時,指收到大台指令,對「佔中」一事要封口,不可發表意見。

王祖藍被禁變性

去年王祖藍在湖南衞視爆紅的《百變大咖秀》中,扮演變性舞者金星,因觸及內地「潛規則」不得拿「性別」來開玩笑,該部分被抽起,有指祖藍更收到封口令。



鍾意就快D Share啦!