2014年10月23日 星期四

傳造人成功 Yumiko着波鞋 與老公濕平 Yumiko,Yumi,尹秦睎,BKD_S,鄭希怡,




【短片】【凌晨爆大鑊】傳造人成功 Yumiko着波鞋 與老公濕平

2014-10-22 23:30:00



其他影片:>>






【凌晨爆大鑊】傳造人成功 Yumiko着波鞋 與老公濕平

鄭希怡(Yumiko)自從嫁咗畀化妝師老公梁學儲(Andy)之後,佢嘅新婚生活一直都好寫意,除咗做吓啲唱片宣傳工作之外,大部份時間都用嚟陪老公。

前排見到Yumiko同Andy十指緊扣喺銅鑼灣拍拖,Yumiko好悠閒咁拎住杯果汁,邊行邊飲,行到希慎廣場後面嗰幾間金舖,兩公婆企喺櫥窗度研究啲金器,見到佢哋對啲金牌好似好有興趣,擾攘咗一輪就蹺晒手走人!

跟住Yumiko同老公行咗去時代廣場,Yumiko上咗三樓間雪花秀買護膚品,佢喺舖頭試咗一輪,揀揀吓見到俾人影緊相,佢哋都冇理繼續濕平,最後仲拎住一大袋戰利品走人,臨走仲好大方同記者打招呼。

之後佢哋去咗皇室堡附近嘅HMV,不過今次佢哋唔係睇吓新碟銷情,反而係研究headphone,但佢哋同個sales研究咗差唔多15分鐘,結果都係空手而回。

此外,噚日有報道話Yumiko造人成功,不過因為未過安全期,佢只係同身邊幾個閨蜜講呢件喜訊,但係撞正呢期唱片宣傳,為免有所影響,勁愛着高踭鞋嘅Yumiko都改着平底鞋。

另外,Yumiko好姊妹應采兒噚日喺微博,貼咗張同黃伊汶及Yumiko舊照,相中應采兒仲係大緊肚,佢就留言:「一個接着一個。。。。@黃伊汶 @鄭希怡 幸福。。。 」咦?係咪有所暗示呢?



(攝影:畢紹基﹑陳辰)



鄭希怡同老公梁學儲密密斟。



Yumiko發現記者後,大方打招呼。





應采兒喺微博貼咗呢張相,有所暗示?(微博圖片)



鍾意就快D Share啦!
Related Posts Plugin for WordPress, Blogger...