2014年11月21日 星期五

[忽然1周 - 1008] 祖藍 3卡鑽戒台慶突求婚 明年四月教堂行禮 祖藍,王祖藍,MW,




為了準備兩人結婚,祖藍先於年初買新屋,花十個月大裝修。今年情人節他又和李亞男入迪士尼燭光晚餐,十分有 heart。

滾熱辣

祖藍 3卡鑽戒台慶突求婚 明年四月教堂行禮

王祖藍與李亞男婚事傳足一年,原來兩人已決定明年四月結婚。今年祖藍先以千四萬購入大埔獨立屋,又花了六百萬裝修愛巢,年底入伙。兩人見埋家長仲揀定元朗信義會生命堂行禮,萬事俱備,獨欠正式求婚!

據知祖藍原本部署下周二( 25日)趁準老婆李亞男生日當晚,以百萬三卡巨鑽求婚。不過, 19日台慶夜,大台為了對撼港視新劇《選戰》,搭正對台播劇的 9點半,要求祖藍向女友提早求婚,誓搶贏收視。祖藍為大台鞠躬盡瘁,難怪得寵程度爆燈。

與李亞男拍拖四年的王祖藍,年初一擲千四萬,買入大埔獨立屋,為結婚做好準備,全因為李亞男話過:「有樓係結婚嘅條件。」據悉祖藍豪擲了六百萬裝修,將全屋間隔反轉,落重本打造新婚愛巢。上周三( 12日),祖藍趁空檔,深夜駕車與李亞男往大埔新屋巡視裝修,兩人逗留一小時才離開。新屋裝修大半年,已近竣工階段。祖藍會先與母親及妹妹年尾搬入新屋打點。待明年四月正式迎娶女友,王太李亞男才會搬入愛巢。

半夜睇屋

上周三( 12日)深夜,王祖藍趁有空檔,車李亞男去大埔新居睇裝修。

兩人在深夜十二時許入屋苑,逗留了一小時才離開。

大台打亂求婚計劃

下周二( 25日)乃李亞男的生日,祖藍原本一心趁此大好日子,向女友正式求婚,來個雙喜臨門。除了燭光晚餐外,更買定三卡巨鑽以示誠意,可惜最後為大台谷收視,提早獻出他人生的重要時刻。

「祖藍都知道欠女友一個正式求婚,佢好緊張,之前成日問朋友應該點樣求婚,仲喺朋友開的珠寶店睇中一隻價值 98萬幾嘅三卡鑽戒,打算趁女友生日求婚。不過台慶當日( 19日)早上,祖藍被高層急召,提議佢提早求婚,為公司搶收視。祖藍才因利乘便,給女友來個大驚喜,更暗中叫齊雙方父母到場做見證。」知情者說。

祖藍在幕前向女友發愛的宣言:「人生要搵一個同對方過一日得一日嘅人。」此語一出,李亞男被感動得熱淚盈眶。祖藍強調李亞男「難追」,又話同女友「彼此關心」咗一段日子,最後終奪得美人歸,難怪求婚成功的他,在熒幕前大叫:「我結婚嘞!」至於李亞男,見到男友取出鑽戒,即搞笑除下左手無名指上的戒指,更被祖藍寸:「你唔需要急到即刻除戒指……」

由於祖藍有不少圈中好友,如阮兆祥、李思捷等均是大忙人,他已預早 mark實好友的期做「兄弟」。至於李亞男的好姊妹陳法拉、鍾嘉欣、陳爽、蔡少芬亦答應做姊妹團。這對圈中人緣甚佳的男女婚事,必然星光熠熠。

「祖藍搵咗朋友籌備婚禮,明年 4月擺酒。佢哋兩個都係基督徒,梗係想喺教堂行禮喇。初步揀咗元朗信義會生命堂,因為生命堂同『藝人之家』係同一個教會,而且黎美嫻結婚時都喺呢度行禮,好多教友都向祖藍推介。祖藍睇過都好鍾意。」

當眾求婚

在大台台慶表演完魔術之後,王祖藍忽然跪地向李亞男求婚,並隨即為李亞男戴上早已準備好的 3卡鑽戒,李亞男激動落淚。

明年 4月 生命堂行禮

祖藍初步選定元朗信義會生命堂為行禮地點,都是貪其地方夠大,可以容納更多教會的弟兄姊妹。

06年黎美嫻結婚,亦是在生命堂行禮。

祖藍求婚宣言

預支「蜜月」

兩人早前為大台主持《蜜月到訪》,和其他初結婚的新人四圍去。李亞男不時 post兩人合照晒甜蜜。

我哋拍咗好多年拖,呢段時間我發覺大家對彼此嘅關心,形成咗我一個信念。無論追你係幾咁困難都好,娶到你,我一生都會好幸福。尋日我哋一拍完假魔術,你即刻走出嚟攬住我話︰感謝主!你冇死呀。我話︰邊有咁易死呀?你跟住就話︰唔係㗎!人生好平常㗎,過得一日都係一天嚟。我覺得你無心插柳,但講咗一句好啱嘅說話,就係無論聽日我的事業、身體,各樣係點,人生就係要搵一個同對方過一日得一日,每一日都係一天嘅人。今日雖然瞞住好多人搞咗壇咁嘅嘢,但我想喺咁多位嘅見證下,想問你一句︰你願意嫁我嗎?

李亞男:佢年底搬

其實本周日( 16日),兩人出席宣傳活動時,李亞男直認仍未知祖藍已買定巨鑽求婚,還發嬌嗔︰「都未求婚。」

記:記者李:李亞男

記:祖藍趁你生日用三卡巨鑽求婚喎!

李:未知呀!希望係咁喇!

記:年尾搬入新居?花咗幾百萬裝修喎?

李:佢哋(祖藍及家人)會搬囉,我就未住。

記:影到你哋入去視察新居?

李:都要睇吓嘅。

記:出年結婚係咪行教堂?

李:我都希望行教堂,因為係 Christian(基督徒)。

記:係咪籌備緊四月嘅婚禮?

李:(祖藍)都未求婚。

而當時祖藍為求保密,給女友驚喜,對求婚一事扮傻,只承認年尾入伙。

記:記者王:王祖藍

記:係咪趁女友生日求婚啫?李亞男話你未求婚喎!

王:生日(求婚)?唔好做呢啲老套嘢。

記:佢話你欠佢一個求婚喎?

王:做乜……唉!乜都未……乜都未有時間,你睇吓亂到咁……

記:收到你哋出年喺元朗教堂行婚禮嘅消息。

王:邊有咁快。

之前仲話邊有咁快,點知話咁快就公開求婚,祖藍你真係鬼馬。

星級兄弟姊妹

兄弟團方面,李思捷、阮兆祥兩名「福祿壽」成員自然唔少得。

李亞男是華姐出身,與鍾嘉欣(圖)、曾同住的陳法拉份屬好友,姊妹團點少得佢哋。

原本李亞男母親(左)對祖藍印象麻麻,不過經過多日相處,才對祖藍改觀。

祖藍媽對李亞男印象甚好,三人更曾一起出席李彩華的受洗儀式。

新居 600萬豪裝

王祖藍新居位於大埔雅景花園,今年初花千四萬購入,新屋三房兩廳共二千呎,花費 600幾萬裝修。主人房預留空間設置 BB房,方便兩人日後湊 B。浴室有按摩浴缸,大忙人祖藍隨時可以 relax。天台則設有特大衣帽間,收納兩人的衣服。

祖藍新屋現正趕工,等年尾祖藍一家可先行搬入。

白色簡約

祖藍新居的裝修走簡約路線,以白色為主色,選用瓷磚都是意大利貨,部分瓷磚更要一千蚊一塊。

資料圖片

30萬浴池

主人房設有的按摩浴池,亦是意大利貨,可提供 360°按摩功能,價值 30萬元。

60萬牀褥

王祖藍為 5呎 8吋半高的李亞男,在歐洲名牌 De Rucci Bespoke度身訂造了一張特大牀褥,這款價值 60萬的牀褥,由王敏德代言(圖)。

鑽戒愈勁愈幸福

求婚要鑽戒是指定動作,妻子所收鑽戒價值,往往同幸福程度成正比。

黎諾懿老婆 5卡鑽戒

上周二( 11日)黎諾懿在陽明山莊筵開 24席迎娶落選富貴女友李潔瑩。雖然男方獨力支付 40萬酒席及廿萬禮金,但新娘戴上 5卡 200萬的鑽戒,仍是傳媒焦點。

諸葛紫岐 6卡鑽戒

2012年,諸葛紫岐下嫁 Neway主席薛嘉麟,筵開 138席,婚禮花費達 500萬。結婚一周年時,她更收 6卡鑽戒及歐遊。

汪圓圓 5卡鑽戒

汪圓圓去年十一月下嫁玩具大王蔡志明孻仔蔡加讚,婚禮筵開 160席,不少商界名人及娛樂圈中人赴會。新娘的鑽飾達 8,000萬,單是婚戒已 1,200萬,連愛巢裝修,花費達 8億。



鍾意就快D Share啦!
Related Posts Plugin for WordPress, Blogger...