熱爆娛樂: [忽然1周 - 1008] 港視開台 VS大台台慶港視,MW,

2014年11月21日星期五

港視（ HKTV）揀正大台台慶 11月 19日開台，擺到明挑大台機。廣大市民究竟會揀邊個台嚟睇呢，就唔到我哋話事嘅。不過作為一個專業嘅花生友，不如等我哋分析吓兩台嘅優劣，順便預測埋呢場大戰有可能出現嘅結果？

自選開台劇

正當大家爭取真普選遙遙無期之際，港視大搞公投選舉開台劇，最後由講選舉嘅《選戰》跑出，食到咁正個社會潮流，想唔掂都唔得

節目題材新鮮

大台劇來來去去幾味，港視除咗製作上參照美劇拍法，仲有好多題材新鮮嘅節目，《四年 B班》用小朋友做主角講小朋友嘅世界，《選戰》講李心潔選特首，哇，大台邊敢講呢啲呀？

唔係一開電視就睇到

港視劇就算用埋小米盒子都要上網先睇到，唉，我係驚啲老人家唔識搞咋。嗱，啲孝子孝孫識做啦？

製作認真，太少穿崩

港視製作認真，照計冇乜穿崩，不過你知網民們最鍾意恥笑大台穿崩位，話唔定冇得睇穿崩，唔啱佢哋胃口。

有花生食

上年網民發起罷睇大台台慶，阿叻話如果得兩三點佢會跪返屋企。呢單嘢大派花生，結果收視都有 29-31點，卻成為多年來最低紀錄。

唔使用腦

由於每年台慶嘅節目都差唔多，所以觀賞嘅時候絕對可以讓腦袋休息一下，對於下班後已經好攰嘅打工仔嚟講，絕對係催眠恩物。

可以睇重播

上年台慶喺直播 5日後重播，極有亞視風格，即係話大家唔使睇直播，等重播都得。

優劣就分析完，咁到底件事會點樣發展呢？又等我哋嚟分析一下：

賠率：一賠二蕉

分析：呢個世界，有樣萬惡嘅嘢，叫做慣性收視。有啲公公婆婆，屋企個遙控都唔見咗冇得轉台，但係一樣會開住部電視……

賠率：一賠二蕉

分析：老老豆豆，呢個可能性確係唔高，不過如果真係發生，香港，就唔止得一個亞視喇……嘻嘻，又可以嘆重播喇！

賠率：一賠一蕉

分析：港視剛剛開台，應該會有一定嘅支持者。另一方面，大台亦都有啲死忠粉絲，所以打和就係最合理嘅劇情。最難頂嘅，只係王晶同阿叻又會走出嚟大講風涼話啫！魔童你要頂住呀！

賠率：一賠 100000條蕉

分析：冇，我見吹得咁開心，特登講啲勁荒謬嘅嘢嚟詼諧吓啫，我知係冇可能……係呢，之前又話亞視冇得出糧要清盤嘅，依家搞成點？公司有廁紙用未？

每期娛樂賭蕉王以專業角度分析熱門娛樂話題，為每個話題嘅發展可能性計算（偽）賠率，識睇一定係睇我哋！第日同親朋吹水都有啲揸拿！

鍾意就快D Share啦！