全城熱爆的娛樂八封新聞 & 時事趣聞 & 生活 + 趣聞
華倩囝囝 Martin坐喺車等阿媽，其實泊正喺錶位，使乜要睇車驚抄牌喎！
如果要揀「美魔女」，媽咪姐一定揀曾華倩。已經 49歲嘅佢，淨睇樣點會估到有個 15歲嘅仔先？ 媽咪姐早前去九龍城買餸，見到有個身形高大嘅靚仔坐喺華倩架車等佢喎。嘩！唔通係第二個馬國明？睇清楚啲，係佢囝囝 Martin（林浩賢）至真。呢日華倩去完街市買魚買肉，跟住去平價餅店買咗盒撻。已經拎住幾袋嘢嘅佢，喺餅店門口聽完個電話，忽然行番轉頭去「新三陽」買大閘蟹，睇嚟係囝囝遙控落 order囉！囝囝就舒服喇，一直坐喺車度，相反華倩呢位阿媽就騰嚟騰去，廿四孝阿媽咪呢啲囉。
九龍城有唔少貴價餅店，但華倩揀咗最平民化嗰間，明撐小商戶。
睇嚟囝囝幾鍾意食大閘蟹，華倩去「新三陽」揀咗幾隻六両重嘅靚蟹，埋單千一。
今年初，華倩喺微博話時間過得真係快，囝囝已經 15歲。
