掃呢頁CODE去手機

2014年11月21日 星期五

[忽然1周 - 1008] 關心妍好瘀呀! 關心妍,MW,




已為人妻的關心妍今次為咗演唱會,似乎真係豁咗出去,罕有低胸上陣,同之前 C-12 MV一樣咁激!

媽咪姐

關心妍好瘀呀!

11月尾就會喺九展開騷嘅關心妍( Jade),近排就密密排舞,媽咪姐呢日接到線報,當然第一時間衝去八吓第一眼見到佢,真係嚇一跳, Jade唔只瘦到得番棚骨,仲搞到周身瘀晒。問佢老公仔有冇心痛啦,佢竟然話﹕「其實佢係賺咗!」賺咗?唔通係……賺咗搓藥油嘅機會?原來 Jade講嘅賺咗係減肥咋,因為 Jade日日淨係食「麵包香蕉蘋果水」,老公仔又唔敢喺佢面前食好嘢引誘佢,結果變相減肥,兩公婆齊齊瘦咗成個圈!

同老公結咗婚五年,一直話恨生仔,但個肚一直都未有聲氣,依家暫時放低老公同造人,搏盡開騷先。佢透露今次演唱會唔單止會透視裝上陣,仲有辣身舞演出,所以加開多一場都爆晒。之前化名「 C-12」拍咗多個尺度大膽嘅 MV,亦夠晒睇頭,睇嚟阿 Jade今次豁出去鳥!

關心妍喺新 MV〈罪名〉入面破格性感演出,俾男主角伸手摸大髀(上)兼錫錫,真係睇到人㷫烚烚。

傷埋頸椎

Jade話為咗要俾歌迷一個驚喜,練舞練到全身瘀晒,仲整傷埋頸椎個舊患,真係陰功豬咯!

六嚿朱古力

Jade仲練咗兩條人魚線加六嚿朱古力返嚟,各位女士真係唔好羨慕!

Jade今次排舞,同男 dancer有唔少身體接觸,其中仲要俾 dancer摸勻全身。唔知係咪因為咁,所以唔敢叫老公嚟監場。



老公楊長智( Jonas)今次為咗支持 Jade,不惜一齊節食,兩公婆甘苦與共咁話喇喎!



鍾意就快D Share啦!