新姣花攝位 翠蕭戀玩完？ 吳若希：從來唔做第三者
【翠蕭戀之感情危機】吳若希（Jinny）連環流出疑似床照、跟前男友親熱相和泳衣照，𠝹仔戰績又彪炳，被封新一代「姣花」。最近Jinny與蕭正楠合作拍劇不足一個月，昨日有報道指她介入蕭正楠（Edwin）與黃翠如之間做第三者。
有指原本劇接劇備受力捧的翠如BB，因成為高層余詠珊與曾勵珍之間的磨心，拍完《師奶Madam》後，冇再被派拍新劇。百無聊賴下對男友監控越來越頻密，有時會突擊探班，又頻發追魂call，更傳試過偷看男友手機被發現，令Edwin覺得煩厭，感情急轉直下。
■有傳介入「翠蕭戀」的吳若希昨日強調，從來都不會做第三者。資料圖片
揸同款車
上月23日是翠如BB的33歲生日，亦是兩人拍拖後首個要慶祝的日子，原本應該要甜甜蜜蜜一起度過，但Edwin要開工，雖然有在微博寫上一句「生日快樂」，但沒有花心思送花送驚喜，最後翠如BB只與唐詩詠切蛋糕慶祝生日，感覺孤單。
被指向來好識冧仔的Jinny在新劇中與Edwin飾演小情侶，奉旨打情罵俏，感情自然突飛猛進。有指Jinny雖然收入不多，但竟然買得起市值80萬元的Range Rover，與Edwin碰巧地揸同款車，一紅一黑好相襯。
■最近Jinny因與蕭正楠（右圖）在新劇飾演小情侶，奉旨談情而令兩人感情突飛猛進。互聯網圖片
翠如封嘴
Jinny昨日在電話中說：「未睇喎，冇回應。」被封姣花，她說：「唔好意思，唔答得，從來都唔會做第三者，蕭正楠追我？冇呀，唔答得。」而一直好合作，每次有負面新聞都喜歡在微博澄清的翠如BB，昨日卻忽然低調，只簡單透過短訊表示未有看新聞，問有沒有查男友手機？及感情是否涉及第三者？她不置可否說：「冇回應，實在諗唔到回應啲乜嘢。」而蕭正楠昨在微博故作輕鬆回應：「呢單新聞好好笑。多謝在我新劇上之前俾咗個封面我……ps我以後會少着背心。」似乎是不滿肥手臂現形。
採訪：嵐山、皓騫
■今年8月中蕭正楠與黃翠如雙雙現身紅館，欣賞杜德偉個唱。
資料圖片
■上月33歲生日的翠如BB（左），只與好友唐詩詠切蛋糕慶祝。
微博圖片
【三個粉絲去首爾】
追星實錄，即上韓劇讀: http://hk.apple.appledaily.com/kstar
|
鍾意就快D Share啦！
|
|
|
