掃呢頁CODE去手機

2014年11月12日 星期三

[FACE - 390] 一拍兩散 搞寸黃婉曼婚禮 P 《巨聲》謝東閔發癲揼冰桶 謝東閔,黃婉曼,MF,




上年 7月曼聯訪港,何雁詩仲陪謝東閔去大球場睇波,估唔到今日因為慶祝生日搞到分手。《蘋果日報》圖片

真面目

一拍兩散 搞寸黃婉曼婚禮 P 《巨聲》謝東閔發癲揼冰桶

黃婉曼上週日( 2日)結婚,釣金龜成功,估唔到當晚就有一對小情侶分手,講緊係兩位《巨聲》謝東閔和何雁詩。

兩位拍拖都有年幾,本來感情穩定,趁住去黃婉曼婚禮人齊,謝東閔順便幫何雁詩搞生日 P。之但係期間太多異性圍住何雁詩,男友一時火起,當住幾十人面前揼冰桶洩憤,仲即場分埋手添!







何雁詩生日會搞到要分手,上週五( 7日)女方就喺微博暗示要工作中忘記一切煩惱。

黃婉曼上週日( 2日)下嫁會計師兼馬主馮柏基,唔少大台藝員都有到場,婚禮有下場是常識吧,當晚亦係「巨聲幫」何雁詩 22歲生日,可惜蛋糕都未吹,男友謝東閔就搞串 party。

何雁詩︰佢已經係過去式

何雁詩異性緣好,同「木偶哥」林師傑分手後,即刻就與謝東閔拍拖,當晚亦有唔少異性朋友出席生日 P。據知男友謝東閔見女友何雁詩同其他男仔玩得太埋,一時醋意大發,竟然隨手將個冰桶大力揼落地下,之後仲奪門而去。生日畀男友咁對待,何雁詩當場爆喊,卡拉 ok房入面個個嚇到唔敢出聲,據聞兩人當晚仲即時分手。上週五何雁詩在電話回應︰「我哋嵋家係好朋友囉。(佢做咩揼冰桶發老脾?)呢樣嘢涉及佢,你哋問番佢啦,佢對我嚟講已經係過去式。(係咪你同男仔玩得太埋?)咁我鬼妹仔性格,我對每一個都好熱情,我嵋家冇嘢喎

何雁詩人仔細細好受巨聲仔歡迎, 09年 18歲參加《超級巨聲》之後仲同「木偶哥」林師傑拍拖添。

黃婉曼婚禮後原來有個 party,黃婉曼當然冇去啦,鬼得閒同你班後生仔玩咩?

K房發火

見女友同其他男仔玩得太埋,謝東閔一時火遮眼,將成個冰桶揼落地。

男友發老脾走,何雁詩即場爆喊,當時唔少星都被佢呢個舉動嚇親,就連鄭嘉穎都 O晒嘴。

黃智賢

鄭嘉穎

何傲芝

吳業坤

馮允謙

胡鴻鈞

未發生男友謝東閔揼冰桶事件前,壽星女好開心㗎,同所有賓客都攬晒合照。



鍾意就快D Share啦!