全城熱爆的娛樂八封新聞 & 時事趣聞 & 生活 + 趣聞
買到兩手都係嘅陳方安生同孖生細妹方寧生，企响置地文華等司機接。
聖誕元旦， party一個叠一個，點串場已經夠頭痛，事前張羅禮物仲大頭痕。 心意唔可以假手於人，就算富貴如陳方安生、周凱旋，買禮物，自己出馬。上個禮拜，唔同日子唔同時間，《壹》仔分別喺銅鑼灣、中環一帶，撞到呢兩個有錢名女人出動購物。
比起例有兩個保鏢跟身，買完唔使自己拎嘅周凱旋，陳方安生就冇咁離地。上星期二（九日），佢同孖妹方寧生喺中環買到兩隻手都係，兩姊妹一袋二袋，照樣自己搞掂。 七十四歲陳方安生，被稱「鐵娘子」，當之無愧。
公事私事都好，周凱旋外出，例有兩外籍保鏢跟身，幫手拎嘢，順理成章。
