2014年12月18日 星期四

[壹週刊 - 1293] 秘娶空姐 3年 朱健鈞黐發哥回歸 發哥,周潤發,M1,




探熱針

秘娶空姐 3年 朱健鈞黐發哥回歸

當年被無綫捧為「少年五虎」之一的朱健鈞,曾經高踞信和賣相龍虎榜五甲,與四大天王銷量睇齊,更紅到去馬來西亞,一下子在娛樂圈銷聲匿跡的他,原來三年前已同空姐女友結婚,並有個一歲半仔。

由熒幕偶像變成住家男,近年經好友鍾漢良搭路,朱健鈞轉攻內地,還有機會拍杜琪峯新作《華麗上班族》,黐住發哥 Eason湯唯回歸。

兄弟搭路

在娛樂圈冇晒聲氣的朱健鈞,三年前跟空姐女友 Elvina結婚,兒子今年歲半大,當年的少年譚詠麟,已變成一個四張湊仔公。

「朱仔份人好低調,無乜野心!○七年由無綫去咗亞視,佢只係做咗一年,就冇再續約。平時好少同圈中人來往,因為朱仔唔鍾意蒲亦唔識得應酬,結婚之後仲黐家,兩公婆追求簡單生活,好夾!」知情者說。

《少年五虎》至今,已經超過二十年,朱健鈞跟同劇拍檔鍾漢良好老死,雙方一直保持聯繫,在內地爆紅的鍾漢良,更加為好兄弟搭路,返內地拍劇。

「當年佢哋一個扮阿倫一個扮阿 B,做咗廿年好兄弟,鍾漢良見自己喺內地企穩咗,於是幫朱仔搵機會,一一年兩個一齊喺內地拍咗套《一觸即發》,喺香港無聲無氣,但而家朱仔喺內地 keep住有 job!」

近年銷聲匿跡的朱健鈞,原來已經做咗老竇,囝囝同佢一樣,有對大眼睛,趣致可愛,連收錢姐姐亦逗他玩。

一個人帶仔行玩具反斗城,孭住背囊的朱健鈞踎低陪囝囝揀玩具。

當日未見朱太同行,兩父子買完玩具,就在隔籬的 KFC開餐。

湊仔公

拍劇結緣,九四年同胡楓合作處境劇《開心華之里》,朱健鈞和對方上契,做了胡楓契仔。

「朱仔同 Elvina結婚,修哥一家都有出席婚宴,兩年前修哥八十大壽,喺紅館開紀念騷,朱仔全家去捧場,仲上台唱歌!」

上週五(十二月十二日),朱健鈞湊住餅印一樣的歲半囝囝,到海港城玩具反斗城買玩具,只見他抱住兒子在店內走來走去,拋完波波再騎木馬,廿四孝老豆陪玩,搞到不停要攞紙巾抹汗。

除了轉攻內地,朱健鈞更有機會接拍杜琪峯新片《華麗上班族》,與發哥 Eason湯唯合作。

「最初傾呢部戲,朱仔係覺得角色好吸引,佢估唔到原來可以同咁多紅星合作,可以話係意外收穫。」知情者說。

朱健鈞與任職空姐的女友 Elvina 12年結婚,但二人性格低調,婚宴除契爺修哥外,未有請圈中人。

朱健鈞甫入行就擔正做男主角,與蘇永康、鍾漢良拍《少年五虎》。

胡楓八十大壽,契仔朱健鈞亦開金口。

少年版阿倫

朱健鈞與戴思聰老師、陳曉東,謝霆鋒、林峯合照。

現年 40歲的朱健鈞,曾跟隨戴思聰學唱歌,與鄭嘉穎、陳曉東是同門師兄弟,中學畢業後在模特兒公司引薦下加入 TVB拍劇, 93年在電視劇《少年五虎》飾演少年版譚詠麟,與同劇的鍾漢良、朱茵、洪欣被無綫力捧。之後朱健鈞轉到馬來西亞發展,幾年後回流重返 TVB,卻被安排演二、三線角色,事業無新突破,朱健鈞一度消失幕前。近年在好友鍾漢良搭路下,返內地拍劇,並接拍杜琪峯新片,與周潤發、 Eason、湯唯、張艾嘉合作,回歸香港娛樂圈。



鍾意就快D Share啦!