掃呢頁CODE去手機

2014年12月25日 星期四

[壹週刊 - 1294] 肉搏 M1,




社交圈

肉搏

大冬天時明星晒肉是常識,有收視嘛!但有啲勝在有新鮮感和搞笑一樣入圍。

Amanda S.瘀都要晒

上週五名模 Amanda S.出席 Nespresso新店開幕時,雖然鎖骨和右手都有傷痕(小圖),但佢仍堅持露滑背搏搶鏡。問到傷勢時她解釋說:「呢排聖誕太忙,成日喺 cake shop整傷都唔知。」

劉萬儀新鮮取勝

翁靜晶女兒劉萬儀上週四去 SPAO活動後正式收爐,要待一月才開工。「聖誕同媽咪一齊去英國探細妹。」至於母親替佢在焗藝大賽落敗不值時,佢大方話:「媽咪梗係話細路仔啲作品最好食,我覺得公平的。」

唐貝詩自動波

寇鴻萍女兒唐貝詩(左)上週四出席 SPAO活動時,先以大褸示人無乜睇頭,但入鋪頭買衫時,識做地換短身 jacket露兩球。最近影到佢同男仔貼身咬耳仔夜蒲,佢撒嬌說:「依家唔想再出街,成日俾人影心靈受創傷。」

鄭欣宜人肉送暖

上週四鄭欣宜一身毛茸茸裝加毛耳環出席愉景新城活動,適逢當日最低氣溫只有十二度,跌膊的秦沛女兒姜麗文(左)即攬住欣宜取暖。著得臃腫的欣宜搞笑說:「我冒住似狒狒的危險,耳環就揩晒我啲粉上去,唔緊要,之後用嚟做粉撲。」



鍾意就快D Share啦!