[壹週刊 - 1294] 張敬軒為爆粗自責 張敬軒,M1,

買到成手都係花，但軒仔個樣望落唔係咁開心。

同你吟一吟

張敬軒為爆粗自責

一向斯文嘅張敬軒，上星期五（十九日）凌晨忽然响 IG爆粗，事緣有兩個女 fans，响偶像個 IG留言區互相問候人娘親，軒仔見到忍唔住講粗口教訓，但轉個頭就 delete咗。

借民謠歌手宋冬野嘅文章，軒仔暗示過去一年，自己所做嘅事，得唔到身邊人明白。

第二日（二十日）軒仔出席完英皇樓盤活動，再一個人去太子花墟買花，其間仲表現得心事重重，《壹》仔問佢係咪為咗爆粗件事唔開心，軒仔斬釘截鐵：「冇呀冇呀，唔好作呀！我冇事喎！我耐唔耐係咁㗎，我鬧政府都係咁㗎！」

瞓醒一覺，星期日（二十一日），軒仔响 IG轉發中國民謠歌手宋冬野一篇總結 2014年嘅文章，話內容同佢好相似，當中有一段講到：「我經常在微博動怒或者口沒遮攔，以至給很多人留下了傻逼的印象……畢竟這個世界上沒有人能得到所有人的理解，更不用說所謂的公眾人物。」其實有話直說，總好過埋沒良心冇句真，軒仔使乜咁在意呀！

鍾意就快D Share啦！

下一篇 》