全城熱爆的娛樂八封新聞 & 時事趣聞 & 生活 + 趣聞
見到有訊息，熊黛林急不及待回覆，唔使問阿貴，肯定係新男友郭可頌。
同郭可盈細佬郭可頌拖手遊台浸情侶溫泉，熊黛林終於 dry完搵到另一半。前度係樂壇天王，現任係五間公司嘅董事，拍拖時間依舊有限，熊黛林得閒唯有搵外傭做伴。
早排熊黛林揸車同外傭落北角幫襯開嘅茶餐廳，買外賣做晚餐，順便帶埋愛犬 Cookie遊車河。 等候期間，兩主僕企响門口好好傾，外賣到手，外傭立刻接手攞上車，平時好 nice嘅熊黛林見到《壹》仔，冇厘反應仲一邊行一邊篤電話，似乎覆慢一陣訊息都唔得。啱啱拍拖，梗係要時時刻刻同對方報告行蹤明嘅！
返上車等外賣，熊黛林雙眼依然係望住部電話。
同男友郭可頌甜蜜遊台灣，熊黛林笑晒詐嬌。
愛狗如命嘅熊黛林，帶埋愛犬 Cookie（箭嘴）出街遊車河。
得兩個外賣盒（黃圈），究竟呢晚熊黛林同外傭撐枱腳，定係買定等男友呢？
