| 萬千星輝頒獎典禮完滿結束，安仔阿佘成視帝視后。 | next 1/1 pre |
 | |
| 安仔親吻獎項，阿佘表現風騷。 | next 1/1 pre |
 | |
| 安仔第三次奪得無綫視帝，認真犀利！阿佘攞獎攞不停！ | next 1/1 pre |
 | |
| 視帝視后，絕對實至名歸！ | next 1/1 pre |
 | |
| 何超儀爆冷奪最佳女配角，最佳男配角眾望所歸由蔣志光奪得。 | next 1/1 pre |
 | |
| 江美儀吻賀蔣志光。 | next 1/1 pre |
 | |
| 「飛躍進步男藝員」一獎由張繼聰奪得，翠如BB就勇奪「飛躍進步女藝員」獎。 | next 1/1 pre |
 | |
| 《SUNDAY扮嘢王》分別奪得「最佳綜藝節目」及「最佳節目主持」。 | next 1/1 pre |
 | |
| 譚炳文獲得「萬千光輝演藝人大獎」。 | next 1/1 pre |
 | |
| 張繼聰得獎，祖藍表現興奮。 | next 1/1 pre |
 | |
| 翠如BB上台拎獎。 | next 1/1 pre |
 | |
| 蕭正楠見到女友拎獎，笑得甜到呢！ | next 1/1 pre |
無綫《萬千星輝頒獎典禮2014》圓滿舉行，視帝及視后由大熱郭晉安及佘詩曼奪得，絕對實至名歸！第三次得視帝的安仔追平無綫史上最強紀錄，視后阿佘則兼得「最受歡迎電視女角色」，成為首位兩次成為「雙料視后」的女藝員！至於許紹雄則憑「歡喜哥」一角贏盡民心，奪得「最受歡迎電視男角色」！
《萬千星輝頒獎典禮2014》昨晚共頒發十六個獎項，賽制跟去年一樣，視帝、視后及最佳劇集由觀眾及專業評審選出，「最受歡迎電視男、女角色」則100%由觀眾選出。
視帝方面，大熱郭晉安揮低黎耀祥、林峯及陳展鵬，成功憑《忠奸人》「高哲行」一角稱帝！50歲的安仔早於03年及05年憑「阿旺」兩度稱帝，今次三奪無綫視帝更追平了羅嘉良及黎耀祥的紀錄。
感謝太太時一度哽咽
多演忠厚角色的安仔，在《忠》劇中飾演奸到出汁的殘障律師，演技爐火純青獲觀眾激讚！安仔得知得獎後即呼了一口氣，並與眾藝員擁抱接受祝福，張智霖頒獎時更搞笑與安仔玩自拍。安仔發表謝詞時感性地表示：「自從我對仔女出世後其實我已經攞晒獎，我感謝佢哋改變我性格，先可以好自然咁面對我嘅職業，我好感恩有對仔女教識我點做人，等我推翻我唔好嘅性格。我印咗佢哋嘅樣上件衫度，帶埋佢哋嚟！而我今日呢件衫係第二次着，第一次係結婚嗰時。」其後他感謝太太歐倩怡時，更一度哽咽。
許紹雄薦最受歡迎男角色
「最受歡迎電視男角色」由《使徒行者》的「歡喜哥」許紹雄（Benz雄）以62,705票奪得，66歲的Benz雄去屆奪得男配角獎，演技早獲肯定，昨晚更贏埋民心！宣布賽果後全場歡呼，Benz雄說：「多謝監製構思歡喜哥呢個角色，但唔好意思，個獎畀咗我就唔會畀番你，都要多謝我老婆仔女！」
阿佘攞獎攞到手軟
視后方面，39歲的佘詩曼在《使徒行者》中演繹調皮臥底「釘姐」令人驚艷，喊戲或輕鬆戲份都扣人心弦，結果阿佘不負眾望，連奪視后及「最受歡迎電視女角色」（75,171票），成為雙料視后，撼贏鍾嘉欣、徐子珊及田蕊妮等。其實阿佘於2006年已憑《鳳凰四重奏》「起雙飛」，昨晚更成為史上第一位兩度成為雙料視后的女藝員，認真可喜可賀！另阿佘早前已憑《使》劇贏得新加坡及馬來西亞視后，昨日更獲得「2014年度中國內地最受歡迎TVB劇女藝人」，可謂攞獎攞到手軟！
佩戴250萬港元鑽飾現身的阿佘，身穿價值25萬元的法國訂製白色晚裝，阿佘得角色獎時簡單地向監製、同劇演員及觀眾致謝，其後她從汪明荃手中接過視后獎座時，即眼濕濕及表現激動，並感性地多謝媽咪：「人哋話我攞硬，但真係唔容易，要付出好多，有好角色又要好好把握！我今次好好彩！仲有要多謝媽咪，我壓力好大會忟憎，佢永遠畀燦爛笑容我。」
吳若希得歌曲獎
另外一個由全民投票的「最受歡迎劇集歌曲」獎，則由吳若希的《越難越愛》奪得（42,935票），而大熱劇《使徒行者》全晚共拎五獎成為大贏家。
|
鍾意就快D Share啦！
|
|
|
