2014年12月17日 星期三

[FACE - 395 - 外地娛樂] 戒宵夜 甩 50磅 姜素拉豬扒變女神 姜素拉,MF,




24歲、 5呎 7吋高,還擁有 35D導彈身材的姜素拉,有料唔怕晒,最近幫雜誌《 1st Look》拍攝一輯性感內衣照,惹火身材真係令男人流晒鼻血。

韓飯台

戒宵夜 甩 50磅 姜素拉豬扒變女神

韓國收費台 tvN熱播的韓劇《未生》,以職場做背景,講上班族掙扎求存的故事,中正打工仔心聲,所以近期在韓國大 hit,套劇除捧紅男主角、帝國之子成員任時完外,亦令女主角姜素拉火速上位。

現年 24歲的姜素拉,樣靚唔在講,還有演技, 3年前已憑《陽光姊妹淘》一片攞走《釜山電影節》的「最佳女新人獎」。不過,素拉最突出,當然係充滿曲線的勁爆身材,在《未生》有幕利用身材促成生意,大展 S曲線更成為劇中焦點。

唔講唔知,火辣素拉少女時,原來又肥又老土,直情可以用「豬扒」嚟形容。現在又瘦又靚秘訣原來係戒食宵夜。

拍上套韓劇《 Doctor異鄉人》時,姜素拉仍是女二,但最近拍新劇《未生》已跳升為女一,劇中素拉飾演一名在職場打拼的 OL,同一班新丁同事一齊掙紮求存。《未生》自 10月中開播以來,收視集集升,由首集 2.8%升到現時 9.4%,對收費台來說,成績已經好好。而喺第 1集中姜素拉為促成生意,於會議中大擺 S甫士引人的畫面,成為韓劇熱話。

《未生》中,任時完同姜河那爭姜素拉。

現實中素拉對愛情有咩睇法?

最近姜素拉接近訪問時自爆:「如果我睇中一個人,我會睇準時機先出手,所以出手前會做好計算,不會輕舉妄動。我現時是單身,並唔係唔想拍拖,亦唔係經理人公司阻止,而係我想搵同樣係藝人嘅對像拍拖,因大家都會了解對方嘅難處。不過若對方係藝人,又要考慮對方公司立場,加上雙方都忙於工作的話,又會因冇時間見面而關係轉淡,所以做藝人想談戀愛都好難。」

最近素拉走紅,連早前舉行的《 MAMA頒獎禮》都請佢做頒獎嘉賓。

《未生》劇中,素拉雖然對任時完(左)飾演實習員經常表現唔耐煩,但內心其實好關心佢,仲會發展一段辦公室戀愛。

素拉讀高中時係肥妹,究竟點樣先減到好似𠵱家咁索?

冇錯, 5呎 7吋高的素拉讀高中時,體重曾高達 160磅,當時因太豬扒,冇男同學想跟她做朋友,所以決心減肥,終於花 1年時間,搣甩 50磅肥肉,變成 110磅的窈窕身形。早前素拉自爆減肥秘訣,是戒食宵夜,就算晚飯也要在晚上 6點前食,平時亦要狂做運動。不過,減完都要 keep,近年保持 fit爆身形的秘訣,就是跳芭蕾舞,因跳芭蕾舞除可消耗卡路里,更可磨練個人意志。

素拉曾花 1年時間搣甩 50磅肥肉,但佢話最難係 keep住美好身材,而最佳方法係跳芭蕾舞,除可當運動亦可磨練意志。

𠵱家有樣有身材的素拉,原來讀高中時,曾經係 160磅肥妹,加上唔識打扮,可以稱得上係一件豬扒。

𠵱家素拉咁紅,聽講素拉父母曾反對佢入行喎?

濟州島出身的素拉其實是家中的獨女,父母自小已當她如公主般呵護,還希望她長大後可成為教師,但素拉讀中三當年因睇完舞台劇《歌聲魅影》後便立志要當演員,當她跟父母提出後卻遭大力反對,但一向硬頸的素拉,不理父母反對,決定參加戲劇考試,還決心減肥,最後父母亦被她的堅持感動而妥協,講起都一殼眼淚。

3年前素拉有份演出 2011年韓國最賣座電影《陽光姊妹淘》,而她亦憑此戲捧走《釜山電影節》的「最佳新人獎」及《百想藝術大賞》的「電影部門女子人氣獎」,咁有演戲天份,證明當年唔理父母反對,堅持入行的決定冇錯。



鍾意就快D Share啦!
Related Posts Plugin for WordPress, Blogger...