2014年12月17日 星期三

[FACE - 395] 唔夠氣 排半粒鐘舞瞓低 直擊 Sammi哮喘病發 Sammi,許冠傑,Sam,鄭秀文,MF,




真面目

唔夠氣 排半粒鐘舞瞓低 直擊 Sammi哮喘病發

闊別 5年,鄭秀文紅館個唱週六( 20日)就開波, Sammi為演出做到最好密密排練,不過一向健康麻麻兼有哮喘病嘅 Sammi,上星期就冷親要休息兩日,直到上週二( 9日)再到排舞室練舞,可惜排咗半粒鐘,體弱 Sammi已頂唔順要瞓低唞唞,仲好辛苦咁狂用紙巾捽鼻。病到咁, Sammi補補佢好喎!







等咗 5年,鄭秀文終於再踏紅館,一連 12場〈 Touch Mi〉跨年演唱會星期六( 20日)就開騷,之前賣飛個幾鐘頭就被掃清,網上黃牛飛更炒貴成 15倍。

攰到瞓

鄭秀文密鑼緊鼓為演唱會採排,但上週二( 9日)只係練習咗半個鐘, Sammi就攰到要喺梳化瞓低休息,而助手就喺前面詢問 Sammi情況。

鄭秀文健康一向唔好,十年前拍《長恨歌》時患上腮腺炎,又患上抑鬱症,停工兩年。

《蘋果日報》圖片

本月 19日 Sammi就會配合演唱會推出新專輯〈 Miracle〉,條腰瘦到得番 22吋,弱不禁風。

成盒紙巾用晒

成盒紙巾用晒

萬眾期待, Sammi更加冇得偷懶, 9月已開始為演唱會排練,之前同老公許志安狂跑步操 fit,仲搞到有報道話佢哮喘病發作,據知上星期天氣突然轉冷, Sammi終於頂唔順病倒,要公司下令休息, Sammi先肯休息兩日。

上週二( 9日)晚 Sammi繼續搏命練,如常喺九龍城獅子石道排舞室練舞,一開始 Sammi已好落力練習舞步,神情尚算從容,不過練咗半粒鐘, Sammi已頂唔順要坐低休息,又攞出一盒紙巾狂捽鼻,咳了幾聲之後趕緊用雙手上下按摩鼻樑,似乎相當辛苦。

休息後 Sammi繼續練習,但幾分鐘後疲態畢現要再休息,甚至要即場瞓低唞唞,剩低班 dancer繼續排練。喺紅館開騷真係少啲體力都唔掂,加上呢排天氣轉涼, Sammi係時候留力休息吓喇,捱病咗影響演出咪仲衰!

捽甩鼻

休息咗一陣, Sammi就攞出紙巾擤鼻,似乎唔多舒服。

不停咳

不停捽鼻之後,氣管開始不適, Sammi大力扯咗幾口氣便狂咳,病情睇落唔輕喎!

頂硬上

Sammi當日排舞唔算大動作,但跳幾步就要唞一唞。

跑十里

早前 Sammi同許志安一齊跑步,跑咗十公里後 Sammi不停喘氣,被指哮喘病復發,真係要小心身體呀!

率先爆演唱會 3大必睇高潮位

Sammi紅館再開騷有咩睇?主辦單位就透露,觀眾最想睇嘅一定會出現,亦會有觀眾意想不到嘅表演,以下幾 part可以講住畀大家聽先!

驚險表演

09年曾演高難度動作,今次 42歲的 Sammi亦將有驚險演出,據知佢更借用到邵氏片廠嚟秘密練習,喺得咁大間片廠練習,可能 Sammi將會吊高或穿梭整個紅館,總之就係考膽量啦。

歌頌耶穌

信奉基督的 Sammi會在演唱會中唱好耶穌,大唱福音潮歌〈上帝早已預備〉、〈信者得愛〉,仲有一首經典英文聖歌; 09年 Sammi就係憑住福音大碟《信 Faith》回歸樂壇,反應奇佳,今次算係回饋歌迷。

圖片

《火熱》安仔

02年《火熱動感 LaLaLa》是 Sammi成名作,今次再踏紅館,亦已打算再唱此歌,至於會唔會安排當年有份合唱嘅老公安仔上台一齊唱,大家就拭目以待啦。



鍾意就快D Share啦!
Related Posts Plugin for WordPress, Blogger...