2014年12月17日 星期三

[FACE - 395] 走後門 《選戰》疑似 wrong hole陳逸寧 男神王宗堯:齋咀似大台劇! 王宗堯,陳逸寧,MF,




慘叫

畀你估都估唔到,原來高潮位竟然係王宗堯從後撲前疑似強行「肛交」,咁大膽嘅橋段,係大台梗係睇唔到

電視圖片

真面目

走後門 《選戰》疑似 wrong hole陳逸寧 男神王宗堯:齋咀似大台劇!

仲睇緊大台膠劇?識睇就梗係睇港視嘅《選戰》先唔講 MV式拍攝手法有幾型,剩係啲內容夠現實貼近民情已經贏晒!

雖然每周一集係吊癮,好彩套劇羸盡口碑,帶挈劇中飾演張癸龍嘅王宗堯榮升新一代「男神」添!第五集嘅《選戰》繼續為大家帶來驚喜,其中一幕張癸龍為咗要懲罰紀文慧霸王硬上弓,陳逸寧疑似被 wrong hole慘叫,電視史上都算少見!王宗堯仲話:「劇本係要同陳逸寧齋咀咀到流血,不過導演都覺得會太似大台啲劇,所以後來就改到𠵱家咁樣!」

《選戰》成為港視開台劇,果然不停為觀眾帶來驚喜,在新鮮出爐嘅第五集,仲有疑似王宗堯夾硬「後入」陳逸寧嘅場口,講激,《選戰》都算去得盡!

激咀

《選戰》第五集,王宗堯飾演的張癸龍和陳逸寧飾演的紀文慧繼續有激咀嘅場口,不過原來激咀都只係前戲!

求救

王宗堯突然從後而上,紀文慧就梗係嗌晒救命,相比咬嘴咬到出血,呢一幕又真係可觀性多好多倍嘅!

「等觀眾自己揣測!」

第五集講到王宗堯發現陳逸寧,竟然同自己死對頭廖啟智飾演的宋漫山有利益來往,於是將陳逸寧按係梳化「霸王硬上弓」,搞到陳嗌晒救命,激到有不少網友話似肛交。

本刊週一( 15日)致電陳逸寧,問到疑似「肛交」一幕,她解釋說:「呢個係後來改㗎!初頭只係佢(王宗堯)咬到我咀唇流血。(點解要改?)呢個真係要問導演!」

至於王宗堯則承認:「我覺得咬爛咀唇,血淋淋咁樣會唔夠好睇囉!成件事會變到好夾硬嚟,似大台啲劇,真係唔夠力量,唔夠電影感!𠵱家冇特別交代,等觀眾自己去揣測。」劇情意識大膽,不過 HKTV始終唔係用大氣電波,自然寬鬆啲。廣播事務管理局回覆說:「港視係透過互聯網以 Over-The-Top形式提供電視節目服務,而呢類互聯網提供嘅電視服務唔屬於《廣播條例》所規管嘅電視節目服務。」即係傳統電視未必掂得 wrong hole囉!

早前,王宗堯現身金鐘龍和道身體力行支持示威學生,其後仲被封為新一代「男神」,佢仲話:「我會繼續撐學生㗎!」

上月,王宗堯一向搏,早前為主演新戲《壹獄壹世界:高登闊少踎監日記》落場裸跑。

王宗堯最近頻頻見報,仲被翩舊帳被指同 Ruby有染,而王宗堯就同本刊澄清:「今次炒作成份多咗,又唔係真係拍過拖!」。

《忽然 1周》圖片

男神好波

男神王宗堯唔止演得,原來踢波都有計,球技有番咁上下㗎!

難得撞見男神王宗堯,一班少女就梗係第一時間集郵,仲要男神揸機自拍,睇個笑容就知有幾開心!

男星賣肉有運行

女星搏得盡,露得多,形象就容易變 cheap,男星就唔會有呢隻歌仔唱,肌肉露得多,觀眾反而更為受落,型男賣肉,有得翻身㗎!

張國榮《紅樓春上春》

哥哥張國榮拍開意識大膽嘅電影,其中 1978年嘅《紅樓春上春》就半裸上陣,同陳維英有激情肉搏場口,算哥哥早年的經典之作。

劉燁《藍宇》

劉燁係同志片《藍宇》同另一型男胡軍有全裸床戲,之後仲入圍第 21屆香港電影金像獎嘅最佳男主角。

吳彥祖《美少年之戀》

型男吳彥祖係《美少年之戀》同馮德倫有浴室埋身肉搏一幕,不過至今依然不損兩位型男的受歡迎程度。

梁朝偉《色,戒》

影帝梁朝偉係《色,戒》中同湯唯有全裸肉搏床戲,仲成功奪下金馬獎的最佳男主角一獎。



鍾意就快D Share啦!
Related Posts Plugin for WordPress, Blogger...