掃呢頁CODE去手機

2014年12月28日 星期日

G.E.M.遲大到窒住慶功 G.E.M.,G.E.M,鄧紫棋,




「神級」天后G.E.M.於前晚的頒獎禮遲大到,大會被迫拖延至凌晨,期間有歌手等到面燶,觀眾更走剩3成!其後她於慶功宴再遲大到,令全場歌手等到謝晒,她被追問下竟詐傻扮懵說:「點解我哋遲咗嚟嘅?」大牌到暈!又自爆今年冇歌都有獎,新城認真多得佢唔少!

姍姍來遲的G.E.M.想以手上曲奇謝罪,但一寸光陰一寸金,食多多都補唔番眾星失去咗嘅光陰

謝安琪力撐等G.E.M.期間讓新人有表演機會。

無辜被「浪費時間」的安仔(圖)及軒仔,受訪時均「話中有話」!

張敬軒

SoSo姐金句

遲到累人揼波鐘,難怪個個面燶燶!

升上神枱的G.E.M.(鄧紫棋)與許志安前晚於《恒生勁爆Music World新城勁爆頒獎禮2014》勇奪4獎,率先成為大贏家!G.E.M.當晚在澳門完騷後即趕回港出席頒獎禮,卻因天雨影響取消乘坐直升機,被迫降呢搭船。大會為遷就趕船回港的天后G.E.M.而要歌手輪流上台清唱拖延時間,最終頒獎禮至凌晨12時半才結束。一眾歌手隨即趕往九龍灣出席慶功宴,「遲開有癮」的G.E.M.於凌晨1時45分才肯蒲頭,足足遲了45分鐘!

扮傻問點解

寵愛G.E.M.的新城知訊台台長朱明銳堅持待G.E.M.到場才影大合照,相當畀面!至於G.E.M.受訪時被問到是否因容祖兒缺席而提升奪獎機會時,她表示不會定義獎項背後的意思:「今年冇派歌,冇諗住受邀請!(冇歌都有4個獎?)呢個要問銳哥。」問到要其他歌手等會否不好意思時,她解釋已用最快速度回港,提到她是最遲一個現身慶功宴,G.E.M.即扮傻問工作人員:「係咩?我唔知呀!點解我哋遲咗嚟嘅?我落咗台返房執個妝,跟住就執嘢嚟。」問到今年沒有派歌都奪獎會否覺得非實至名歸?她即尷尬叫記者問台長銳哥:「作為歌手最緊要係用歌去感動人,唔係取悅人,我趕返嚟都唔係為獎,係因為有機會表演!」其後又表示請大家食曲奇賠罪,惟G.E.M.卻自打嘴巴,因她在網上大晒獎座相及透露自製曲奇送給歌迷,又與歌迷大合照,時間正是所有歌手在慶功會場等她之時。

另一贏家安仔則認為最重要上台唱好歌,提到他演唱時已有大批觀眾離場,他表示年年如是,更提議大會提早開始。對於大會為遷就G.E.M.拖延頒獎禮,他說:「係咪應該安排咗嗰個位?冇所謂畀我唱先就得。(所有歌手都坐足成晚會唔會覺得唔公平?)如果人哋邀請,佢都盡量趕嚟,好有誠意喇!(因G.E.M.改坐船!)算開心就得,但唔使等就最好!」至於以爆血管Look示人的張敬軒,提到要呆等G.E.M.,軒仔說:「自己年紀大,可以搵啲細藝搞吓,其實做呢行都預咗(等)!」問到是否等得太累而沒有笑容?他說:「我怕笑會影響面上化妝。」

謝安琪撐叻女

全場唯一力撐G.E.M.的謝安琪被問到可會等得太久,她說:「每個頒獎禮都有其特色,平日少機會見到新人,有啲歌手未必好多目光注視,咁樣先畀人見到佢哋嘅努力。」提到獲G.E.M.在台上多謝,她亦聲言特別疼G.E.M.:「佢年紀小小去咁多地方都咁叻,要面對好多嘢,大家都係獨立公司,呢條路好難行,但佢證明咗有出路。」

姍姍來遲的G.E.M.想以手上曲奇謝罪,但一寸光陰一寸金,食多多都補唔番眾星失去咗嘅光陰

謝安琪力撐等G.E.M.期間讓新人有表演機會。

無辜被「浪費時間」的安仔(圖)及軒仔,受訪時均「話中有話」!

張敬軒

SoSo姐金句

遲到累人揼波鐘,難怪個個面燶燶!



鍾意就快D Share啦!