2014年12月28日星期日

莎賓娜被保安誤認內地人受到普通話招待莎賓娜,

【咁都認錯！】莎賓娜被保安誤認內地人受到普通話招待

2014-12-28 20:47:00

(攝影：沈健程)

「十二頭身」哈薩克排球隊美女莎賓娜今日嚟到香港，一落機就去咗奧海場出席活動，去到現場落車嘅時候，保安就以為佢係內地人，同佢講普通話，搞出個笑話。

莎賓娜著住紅色運動外套、長褲同波鞋，一嚟到就用英文同大家講：「Hi everybody. Sorry I am late. 」司儀問佢第一次嚟到香港，覺得香港點，佢就透過翻譯話：「好開心嚟到香港，只係嚟咗短短廿分鐘，就覺感覺到香港嘅靚。」問到佢有咩想食，佢表示第一次嚟到香港，希望大家提議，講到新年願望，佢就透過翻譯話：「希望可以專注喺運動上，希望大家夢想成真。」

大會安排兩個少女，送咗噚日送唔到嘅熊仔同埋一幅公仔畫畀佢，莎賓娜就回咗哈薩克嘅磁石貼，仲送咗金色武士公仔畀澳海城高層，佢解釋話呢個武士係家鄉發掘嘅古蹟。

之後莎賓娜仲用廣東話講：「康剛(香港)，我愛你哋。」又多謝fans嘅支持同愛戴，表示自己會加油。大會仲安近排成一個fans同佢自拍，莎賓娜仲另轉頭，影埋記者，又360咁周圍影。又有安排小朋友獻花，莎賓娜仲鍚咗其中一個小朋友一啖，而另一個小妹妹就有啲怕羞。