2014年12月28日星期日

「十二頭身」莎賓娜表示單身入行要問教練阿媽莎賓娜,

【短片】【機會嚟喇！】「十二頭身」莎賓娜表示單身入行要問教練阿媽

2014-12-28 21:22:00

其他影片：>>

【機會嚟喇！】「十二頭身」莎賓娜表示單身入行要問教練阿媽

「十二頭身」哈薩克排球隊美女莎賓娜去到奧海城出席活動，雖然一嚟到俾保安誤以為係內地人，但佢心情都好靚，喺訪問嘅時候，問到佢做咩咁大頭蝦唔記得帶護照，佢就透過翻譯話：「好唔好意思，其實每個人都有咁嘅機會，其實好唔開心，所以喺IG貼圖，同大家講sorry。」問到佢平時係唔係都咁大頭蝦，佢就表示唔係，係第一次，都希望係最後一次。

講到突然遲咗一日嚟，莎賓娜怕唔怕fans會嬲，佢表示係支持佢嘅就唔會嬲嘅，問佢點解會著排球裝，係唔係收埋長腿，佢就透過翻譯話：「因為怕趕唔到飛機，太忙喇。之前都有著過長裙，fans都覺得ok。」

之前莎賓娜去到台灣，引起咗好大嘅哄動，問到點解今次會應承嚟香港，佢表示唔影響自己嘅都OK，香港嘅fans都唔錯，又話過咗新年就會返去訓練。

講到要喺香港過新年，唔可以同男朋友過，佢就突然笑得好燦爛咁透過翻譯話：「0依家冇男朋友，想專心訓練，有教練同媽媽陪同過新年，已經好開心，雖然唔係全家人一齊過，都係都OK。」講到會唔會考慮唔打球，入行做藝人，佢表示如果有人接洽佢做其他嘢，要問媽媽同教練，自已就想專心訓練，想做個運動員，又指雖然依家佢只係後備同青年軍，但就有個好大嘅目標，行到去邊度，大家就要拭目以待。

(攝影：沈健程)