掃呢頁CODE去手機

2015年2月13日 星期五

[忽然1周 - 1020] 鄭中基停工陪產 余思敏 2• 13剖腹生仔 中基,鄭中基,MW,




早前鄭中基拖住腹大便便的余思敏逛街,已退出幕前相夫教子的鄭太一直低頭唔望鏡。

娛樂喧

鄭中基停工陪產 余思敏 2• 13剖腹生仔

昔日的鄭中基喜歡亂噏廿四,花花公子形象深入民心,今日他變身絕世好爸。無法娶到個賢良淑德的老婆余思敏, 4年前寶貝女 Emma出世後,連阿爺鄭東漢都俾孫女冧暈。

將湊夠一個「好」字的鄭中基,經過上一次失誤趕唔切睇愛女 Emma出世,今次他不容有失,兩個月前已經開始停工,承諾一定會陪老婆入產房。囝囝預產期本來在 2月底,但他一早搵定高人擇吉日開刀。周五( 2月 13日),鄭中基便親手為「小王子」剪臍帶。







鄭中基與余思敏結婚後變得黐家,一家三口不時自拍溫馨合照。

男人婚前婚後是兩種人,鄭中基應該是最佳人辦。早年他秘密與阿 Sa結婚, 2010年突然開記招宣布離婚。轉個頭他搭上前有線主播余思敏,同年即結婚兼生女,變成黐家男人。

去年 9月公布快榮升第二任老竇的鄭中基,當知道老婆懷的是金叵羅後大為緊張,第一時間聯絡公司上下開緊急會議,將工作減少並提前「收爐」,專心留家陪余思敏待產,放棄搵奶粉錢四個月。

帶定相機入產房

據鄭中基身邊密友透露:「上次 Sammy(余思敏)佗 Emma嘅時候, Ronald(鄭中基)講明會陪佢入產房㗎!第一胎固然係緊張,最重要係 Sammy怕痛,想 Ronald喺身邊。點知 Ronald去咗北京公幹,搭嗰架飛機又延誤,趕唔切返香港陪產剪臍帶, Sammy好唔開心呀!為咗冧老婆,愛妻號 Ronald今次好識做,知預產期喺 2月尾,即時搵高人擇日開刀。點知第一次俾嘅日子係 2月 14日情人節, Ronald即時 say no,話唔想囝囝嘅生日同情人節重疊,一定要分開。佢話情人節要留俾老婆喎!」

經過一番商討,鄭中基最後揀了周五( 2月 13日)吉時開刀,屆時還會帶攝影機入產房。今次他第一時間幫小王子影寫真,還會親手剪臍帶,彌補上次的遺憾。

自去年 11月底拍畢喜劇《惡人谷》後,鄭中基便停止所有工作,連微博亦沒有更新,反而余思敏不時自拍發微博。腹大便便的余思敏,閒時除了與寶貝女 Emma在家耍樂外,已數月沒有踏出家門,而家中日常用品的補給便交託外傭及司機代勞。

上周五( 2月 6日),本刊發現鄭中基從淺水灣家門出發,由司機接載到附近沙灘,先到中灣再到深水灣。他全程攝影機不離手四處拍攝,又帶同測光表量光暗,非常專業。

鄭生試機影樹木

上周五( 2月 6日),鄭中基在司機陪同下,到南區泳灘攝影,見他只影花草樹木,帶齊專業攝影器材,有姿勢有實際。

田雞:佢一早請定假

廿四孝爸爸

鄭中基難得陪老婆行街買 BB用品,睇啱即俾錢,絕對唔手軟。

就停工一事,本刊聯絡了鄭中基經理人田雞,他表示:「係! Ronald講明要睇住囝囝出世,所以一早請定假。(係咪 2月 13日開刀?)總之情人節前我唔知咁多㗎! Ronald呢排好唔得閒,唔係湊女就周圍影相,等囝囝出世佢就有排忙。」周三( 11日)鄭中基透過電話回應:「多謝關心,心情其實同生 Emma時一樣緊張,不過有咗上次嘅經驗,好少少。今次都係開刀,之後我會陪老婆坐埋月先復工。」

鄭太愛自拍

老公鍾意影相,老婆都唔弱, Sammy大肚期間不時自拍擺上網。

囝囝未出世,各贊助商已不停送上親子用品, Sammy更在微博叫囝囝做「小王子」。

見谷祖琳買咗架新 BB車, Sammy都好有興趣,仲問清楚細節,果然係好媽媽。

超豪養和 20萬生仔

跑馬地養和醫院甚受明星和名人歡迎,好多有錢人如林青霞、呂麗君、范姜、張栢芝及盧淑儀等都鍾意揀養和生仔。該院除了多名醫外,設施齊備,保安亦非常嚴密,余思敏 4年前生女也是入住養和醫院的頂級套房。

房內所有家具一應俱全,備有兩部 50吋高清電視,廁所廚房客廳樣樣齊,日租約 1萬元。加埋手術費及住院各項雜費, 5日 4夜約廿萬埋單走唔甩!

Deluxe Corner Suite豪華套房( 5日 4夜): 4萬

醫生費: 10萬

麻醉師費: 2萬

其他醫院雜費: 4萬

合共: 20萬

鍾意就快D Share啦!