趙薇上個月和老公黃有龍的投資公司 Gold Ocean Media以近 31億港幣入股阿里影業，成為第二大股東。阿里影業將會投資星爺開拍《西遊•降魔篇 2》，趙薇亦隨之成為星爺的「老闆娘」，認真風水輪流轉。
娛樂喧
31億入股阿里影業 趙薇升呢做星爺老闆娘
趙薇和丈夫黃有龍去年底斥資近 31億買入阿里巴巴旗下的阿里影業股份，成為公司第二大股東。為省靚招牌，阿里影業早前秘密與周星馳（星爺）接洽，決定投資拍攝 3D版《西遊•降魔篇 2》。據知，變相成為星爺老闆娘的趙薇，由於戲癮大發，早前便向星爺提議，在《西遊 2》安排一角給她，以自己為公司做生招牌。
有指趙薇和星爺自拍罷《少林足球》傳出緋聞後，關係一直麻麻，直至近年才有好轉。如今趙薇係事頭婆，星爺當然唔會 say no
馬雲旗下的阿里影業今年大力進軍影壇，除了與王家衞有連串合作外，又投資周星馳的《美人魚》，及籌備《西遊•降魔篇 2》。星爺將擔任《西》片的監製，由徐克出任導演，預計今年 8月開拍，投資成本達 4億人仔，暫定 2017年賀歲檔上映。
趙薇贏票房
趙薇成了阿里影業第二大股東，亦因此搖身一變成了星爺的老闆。知情者表示：「趙薇知道自己做咗星爺老闆之後，好鬼風騷。當初佢同星爺拍《少林足球》嗰陣，喺片場試過俾星爺鬧到喊之後曾經傳緋聞，但之後佢哋好耐都冇聯絡。趙薇覺得今次自己終於威番次，恨過戲癮嘅佢，聽講仲向星爺提議喺《西遊 2》設計一個角色俾自己，但要好有發揮嘅。」前年趙薇首次執導的電影《致我們終將逝去的青春》，首日票房比星爺的《西遊•降魔篇》預售票房更高，趙薇當時興奮大呼：「打敗了周星馳！」今次成為星爺老闆，相信趙老闆更加飲得杯落！
入股即坐艇
去年尾趙薇和黃有龍以 1.6港元，購入逾 19.3億股阿里影業（ 1060），但不久股價下滑，趙薇夫婦帳面一度蝕逾 1億。但隨着近日阿里影業股價回升至$1.65（截至 2月 10日），趙薇手持的蟹貨亦隨即鬆綁。
星爺頭痕
雖然趙薇有意參演《西遊 2》，但據知星爺早已擬定好續集的角色，女主角原本打算繼續用第一集的舒淇，但現時中途加插趙薇戲份，因此單諗女角戲份，便相當頭痕。知情人透露：「拍完第一集後，星爺覺得舒淇完全達到佢嘅要求，亦覺得同舒淇好啱 key。拍完套戲，兩個人私底下都有聯絡，所以星爺一早諗定續集會搵番佢。如今趙薇想拍，話晒佢係老闆娘，戲份一定唔可以少過任何一個人。其實星爺都頭痕緊，或者會有雙女主角出現。」本周一（ 9日），有傳媒影到星爺在九龍城與兩位長髮女子食飯，問到是否為新戲選角，他未有正面回應。似乎他已開始為《西遊 2》籌備。
身家驚人
其實，趙薇自與黃有龍結婚後，身家、地位明顯三級跳，近年涉足的房地產投資遍布大陸、港澳和新加坡等七個地區。單以磚頭計，資產價值已超過 5億港幣，堪稱「億萬女樓王」。加上她同時經營餐廳，開設珠寶店，數年前更斥資 4千萬港幣買下法國酒莊，成為亞洲第一位進軍歐洲葡萄酒業的藝人。如今，她積極涉足電影業投資，做導演做監製都未夠，還要做埋投資者。《少林足球》的阿梅，看來遲些會投資移民火星都未定。
𢱑頭選女角
據知，星爺原打算搵拍第一集《西遊》的舒淇再做第二集女角，但由於老闆娘趙薇有意親身落場拍《西遊 2》，過過戲癮，因此星爺正煩惱選女角問題。
|
鍾意就快D Share啦！
|
|
|
