[忽然1周 - 1020] 劉心悠唔識揀搵阿媽幫眼 心悠,劉心悠,MW,

劉媽媽見條路窄，就繑實心悠怕走散，睇佢哋沿途傾唔停，又幾多心事喎！

媽咪姐

劉心悠唔識揀搵阿媽幫眼

仲有兩個月就踏入 34歲嘅劉心悠，入行咁耐都唔見佢話拍拖，做阿媽嘅唔擔心就假喇！依家劉媽媽由台灣搬咗嚟香港同佢住，心悠話：「最近媽咪搬嚟同我住，依家一有時間都想陪多啲佢！搵男朋友都係隨緣」

媽咪姐呢日喺中環撞到素顏嘅心悠 BB，終於明白點解佢咁靚都搵唔到另一半喇！佢同劉媽媽繑住手行街唔出奇，但奇就奇在佢哋行咁耐，都冇使過一蚊。睇見心悠 BB視線盯住間服裝店，又要問過阿媽入唔入？去睇精品，摸完又摸研究一輪，點知俾阿媽講兩句，又冇買。睇佢 shopping都揀嚟揀去，何況係男友吖！建議搵劉媽媽揀好對象，叫心悠 BB去相睇就差唔多喇。

行咗半日都買唔到嘢嘅心悠，想買件衫都話要等，表情有啲失落。

電咗一頭鬈髮嘅心悠，睇嚟想買個直髮夾，轉換吓造型。之但係同媽咪研究完，最後齋睇冇買。

鍾意就快D Share啦！

下一篇 》