掃呢頁CODE去手機

2015年3月29日 星期日

沈震軒唔熟唔快 陳家樂神盔傍身 陳家樂,沈震軒,



吳若希的母親昨日在大埔炒單車昏迷,同樣曾炒單車的《衝線》拍檔沈震軒表示關注及擔心。另一曾因拍戲發生單車意外的陳家樂感同身受,希望吳母吉人天相,認同戴頭盔恍如救命符要時時傍身!

陳家樂指踩單車最緊要戴頭盔,專業級「神盔」的保護性更強。

吳母炒單車重傷,吳若希與弟弟到醫院等候消息,離開時一臉神傷。

陳家樂炒車令鎖骨骨折,因有戴頭盔而未有傷及頭部。

沈震軒炒車搞到右手手腕骨裂,一度阻礙拍劇進度。

以單車為主題的無綫熱播劇《衝線》前晚大結局,怎料劇中主角之一吳若希(Jinny)的母親在翌日踩單車時不幸炒車昏迷,趕往醫院的Jinny全程憂心忡忡,喚起外界對單車安全問題大表關注!其中,Jinny的劇中拍檔沈震軒(Sammy)與英皇藝人陳家樂曾經因拍攝踩單車戲份時不慎受重傷,以過來人分享個人經驗。

Send短訊問候

去年,Sammy拍攝無綫劇集《使徒行者》的一場踩單車追賊戲時,因地面凹凸不平加上車速太快,結果收掣不及炒單車,導致右手手腕骨裂。他昨日從記者口中得知吳母出意外後感震驚及擔心:「一直做嘢到依家先知!一陣會Send短訊問候Jinny!我之前拍戲炒車係因為架單車太專業、太靚,我一時未Handle到,所以奉勸大家要熟咗架車先好踩得快!注意單車維修,Check吓個Brake(煞車)同埋車胎!」他又指以往在加拿大時都會踩單車,但香港人多車多,他現已減少踩車免生意外!

遇意外應抱頭

至於陳家樂去年在台灣拍攝由林超賢執導的電影《破風》時,亦曾因單車爆胎發生意外,令家樂凌空打空翻後頭部及膊頭先着地,意外後更出現短暫失憶及左邊鎖骨有兩處骨折,需在鎖骨鑲入鈦金屬。身為過來人的家樂指昨日得知消息後甚為擔心:「有朋友畀咗相我睇,覺得好擔心,希望Auntie吉人天相,快啲冇事!」今次吳母幸有戴頭盔而減低意外嚴重性,家樂認同頭盔的物料很重要:「我炒車時戴嘅係專業頭盔!雖然落地嗰下裂咗,但卸咗好多力,今次Auntie嘅頭盔可能冇我上次嘅咁厚!」他又表示對意外感同身受,明白發生意外會令家人擔心,呼籲大家日後如遇意外,可以盡量抱頭或將身體縮成一團以減低傷勢!

陳家樂指踩單車最緊要戴頭盔,專業級「神盔」的保護性更強。

吳母炒單車重傷,吳若希與弟弟到醫院等候消息,離開時一臉神傷。

陳家樂炒車令鎖骨骨折,因有戴頭盔而未有傷及頭部。

沈震軒炒車搞到右手手腕骨裂,一度阻礙拍劇進度。

鍾意就快D Share啦!