嘩….乜太陽好猛咩？日光白白，仲要喺室內戴太陽眼鏡，睇真啲…原來係明星…係呀..明星呀..邊位？咪Jessica C 囉！所以要帶超囉！
Jessica C怕人認得又好，怕太陽晒..唔係光管晒又好，戴住副超就顯得有明星架勢嘛！但係行兩行，Jessica C就除低副超揀嘢喇！鬼咩！一片黑，又點睇得清楚。睇佢揀果醬，真係拎上手慢慢睇，睇啱先放入車內。
轉頭連芝士、麵包都買埋，原來連男友早餐都要預備埋？平日同男友安志杰三日唔埋二日就玩煮飯仔，又鍾意PO上網晒幸福，宜家連早餐都要準備埋，安志杰真係幾幸福！
