因為變成肥苟關係，苟芸慧工作量大減，已經絕少出現大家面前。不過世界上有樣嘢叫社交網站，同樣係選美出身嘅朱晨麗，就po出同苟芸慧嘅合照，又留言：「你實在太酷了，那我只能可愛一下了。」
本來只係平常合照，但兩位美人比較，令苟芸慧無辜中箭。有網民就留言話：「苟胖胖瘦了的話，就是兩個女神…」、「阿朱，請問你有冇向苟芸慧送上鼓勵？」、「我還是覺得我的女神晨晨酷」
講番苟芸慧先，自從甲狀腺問題暴肥後，已經試過好多方法修身。早前去旅行時，更加借助符咒力量，祈求減肥成功。但要變回「索苟」唔係一時三刻，苟芸慧惟有將頭髮染紅，又問大家剪唔剪短佢好，希望將視線轉移到自己嘅靚樣上。
