掃呢頁CODE去手機

2015年3月29日 星期日

杜德偉招惹粉絲 飛來艷Bra 杜德偉,

杜德偉獻唱首本名曲《脫掉》,脫剩閃紅色底褲,但中間的銀色星星更吸睛!

杜德偉招惹粉絲 飛來艷Bra

杜德偉(Alex)前晚於紅館為個唱Part II大跳大唱,更high爆在表演嘉賓呂方臉上肉緊一啜,全晚「亮點」落在Alex獻唱首本名曲《脫掉》,被三點式女舞蹈員撕剩白色平底褲的Alex,再親手扯開露出紅色珠片的閃爆三角褲顯「實力」,「大鵰」前更有粒巨型星星,辣全場的Alex獲女歌迷掟寫有姓名及電話的紅Bra上台贈興,「硬」接禮物的Alex笑說:「希望唔係即刻除出嚟。」

杜德偉(Alex)一連兩場《杜德偉極杜世界巡迴演唱會Part II》前晚於紅館開鑼,身為Alex哥哥的杜德智、方力申、容祖兒、容媽媽、曾志偉、上山詩鈉、徐濠縈、蘇永康、謝天華及鍾鎮濤等捧場,並邀得呂方及台灣舞王羅志祥任嘉賓。操得一身肌肉的Alex與三點式女舞蹈員跳辣身舞時,主動伸手拍打對方屁股,還兩度感觸落淚。曾有網友認錯許志安是他,Alex大方提起舊事說:「可能走得太耐,好多人唔知杜德偉係邊個,大家有冇買錯飛入場?」

咀啖呂方當謝禮

全晚「亮點」落在最後一首歌,當Alex唱出《脫掉》時,全場即high爆站立,連天后容祖兒都起身跳舞。穿上大褸、長褲的Alex先被三點式女舞蹈員逐件衫撕開,剩下白色平腳底褲的Alex,最後親手扯開白色底褲,露出紅色珠片星星三角褲,全場尖叫聲不斷,Alex更360度自轉,讓歌迷無死角任睇「大鵰」。

掟上台的紅Bra內留有電話號碼及姓名。
  • 掟上台的紅Bra內留有電話號碼及姓名。
性感女dancer與杜德偉在台上勁歌熱舞。
  • 性感女dancer與杜德偉在台上勁歌熱舞。
杜德偉開騷,當然少不得令人熱血沸騰的狂野舞姿。
  • 杜德偉開騷,當然少不得令人熱血沸騰的狂野舞姿。

Alex與首位嘉賓呂方合唱《不要重播》後表示有「逼」對方做兩場表演嘉賓,呂方聞言即爆料:「佢仲逼我唱《甜蜜十六歲》,我都就快56歲,再唱《甜蜜16歲》有少少尷尬。」Alex最後以「錫面」答謝對方,十分搞笑。期間,Alex感慨說:「你估我好鍾意喺萬幾人前除褲?冇人逼到我做唔鍾意嘅事,就好似結婚同生仔。」並大呻為以最佳狀態示人要食「六親不認餐」。

杜德偉在呂方臉上肉緊啜咀,冧得呂方瞇眼享受,場面搞笑。
  • 杜德偉在呂方臉上肉緊啜咀,冧得呂方瞇眼享受,場面搞笑。
演唱會後,杜德偉與工作人員齊齊祝酒慶功。
  • 演唱會後,杜德偉與工作人員齊齊祝酒慶功。

試打號碼問老婆

完騷後,有工作人員在台邊發現有歌迷掟紅色Bra上台,Bra內更寫有新加坡的電話及姓名,Alex受訪時說:「有見到,可能我哋脫得幾淋漓盡致,希望唔係即刻除出嚟。」由於Bra內留有電話,問到會否試打?Alex說:「一陣返去睇吓,畀老婆檢查吓先。(唔驚老婆扭耳仔?)唔會嘅。(有冇收胸圍作禮物?)冇。(收底褲?)底褲通常係我掟出去。」隨即透露上次個唱後遭歌迷投訴:「話我除完褲只係向一個方向,所以今次徇眾要求全場轉一圈。」對於,有指個唱門票減價速銷,Alex說:「冇聽到,作為歌手責任係做好表演、練好身體,無論嚟嘅人有幾多,希望佢哋睇完好開心咁返屋企。」事後,記者曾嘗試聯絡Bra內電話號碼「主人」,但未能接通。

採訪:音樂組

鍾意就快D Share啦!