掃呢頁CODE去手機

2015年3月1日 星期日

辜莞允肚凸凸 冧男fans:可否幫你戴上? 辜莞允,




【短片】【Nono喺香港呀!】辜莞允肚凸凸 冧男fans:可否幫你戴上?

2015-02-28 16:58:00



其他影片:>>






【Nono喺香港呀!】辜莞允肚凸凸 冧男fans:可否幫你戴上?

台灣人氣網絡女神辜莞允(Nono)今日訪港,到銅鑼灣出席Xbox遊戲活動,身穿tube top 加雞翼袖外套配以熱褲,谷胸露腰騷腿,火熱會男粉絲,可惜Nono承認近日新年進食太多,肚凸凸,女神變胖了,幸好冇影響男粉絲對佢嘅支持——冇錯,全場幾乎只有男粉絲捧場。

Nono喺台上同大家打招呼,想講新年快樂,點知講咗「性」年快樂,令男粉絲更高漲。經過一輪賽車遊戲後,Nono頒發大獎畀得獎男粉絲,即施冧功送上親筆簽名帽子,又問:「可否幫你戴上?」仲話「你好靚仔」,粉絲當堂勁冧!

對於全場都以男粉絲為主,Nono話:「看到很多人受寵若驚,好多男粉絲,也有女生,但全都是記者。」仲話好想來港發展,但要練好廣東話先。講到身材發福,Nono話:「因為新年吃得胖了一點,胖了兩至三公斤,家人煮的東西太美味了,要努力減肥,今天也不敢吃早餐和午飯。」Nono仲好肯定咁話男粉絲唔會因而投訴。

Nono話現時都有跟男生約會,對搵男友順其自然,擇偶條件首要係有愛心,鍾意狗狗,愛護動物,帥哥、夠高,同埋識揸車。聽落都幾高要求。Nono年前有祼照在網上洩漏,男生們會否因此介意0架?Nono話:「還好他們也很同情我,女生拍照一定要小心,不過錯不在我,錯在偷了相機公開照片的人,自己會加倍小心。」



攝影:陳俊強







keep住呢個pose多幾秒得唔得?







嘩,這些機會真係…





大家一齊去睇埋Nono個fb啦,好多嘢睇0架 !



wowowowow



Nono真係好鍾意狗狗呀!











校服look清純





今日出席活動前,影番張相打卡先!

鍾意就快D Share啦!