2015年3月1日星期日

楊紫瓊宣佈今年內結婚 Baby都係今年嫁黃曉明曉明,Angelababy,Baby,楊紫瓊,黃曉明,

【喜事重重】楊紫瓊宣佈今年內結婚 Baby都係今年嫁黃曉明

2015-02-28 21:42:00

Angelababy26歲生日，在微博及ig大晒男友黃曉明為自己慶祝生日嘅甜蜜照，咁高調，唔通真係好事近？

楊紫瓊與未婚夫Jean Todt喺香港時間今晚現身米蘭時裝周，表現非常恩愛，邊行邊咀嘴。楊紫瓊話今次係專程飛抵意大利捧Roberto Cavalli場。完騷後佢話諗住食餐飯先，希望有時間去血拼，然後就要飛去印度做road safety宣傳工作，之後又要返內地做埋《臥虎藏龍2》嘅後期工作，下周仲要去美國，為投資嘅美劇簽約，忙得不可開交。

雖然工作排得密麻麻，不過人生大事，楊紫瓊亦已開始籌備，同未婚夫決定今年內結婚，楊紫瓊話：「應該係今年結，不過都要完埋手頭工作先，婚禮只會請好close嘅朋友。」

此外，今日有內地爆料網站指黃曉明同Angelababy目前喺美國提前度蜜月，5月份成婚。女方工作人員指婚訊不實，只係傳聞，但據知情人士透露，兩人婚期確實將近，但並非近期，不過會係今年內嘅事。