【太陽報專訊】周潤發與張家輝主演的賀歲片成同期票房冠軍，昨晚出席慶功宴期間互笠高帽，並表示希望拍續集。家輝直指希望與發哥荷槍實彈鬥戲，發哥笑說：「我冇攞槍好耐喇。」
發哥、家輝及劉嘉玲等主演的賀歲片《賭城風雲II》，截至前日為止內地票房已超過6億人民幣，成為內地、香港及馬來西亞華語片票房冠軍，總票房衝10億港元。台前幕後昨晚於本港舉行慶功宴，筵開30多席，並由投資方拿出約80萬元抽獎，可謂皆大歡喜。
幫手湊老婆
由於嘉玲不在港的關係，慶功宴交由發哥及家輝主持大局，兩大型男孖住上接受記者訪問齊放笑彈。談到威水票房，發哥說：「都係託張師傅（家輝）鴻福啫。」家輝說：「嘩，我之前驚自己搭沉船喎。」問到家輝會否繼續接拍賀歲片，他說：「傾緊喇。（再同發哥合作？）我想同佢拍啲『硬嘢』，江湖片就好喇。」發哥聞言即說；「我冇攞槍好耐喇。」
家輝又指日前偕同太太關詠荷入場睇戲，太太望着大銀幕上的發哥「眼都唔眨」，發哥搞笑說：「你交老婆畀我，你放心去拍戲啦。你老婆行唔行山呀？我幫你湊啦，梁朝偉都交咗劉嘉玲畀我，呢啲嘢我做慣喇，不過關二哥最叻係咩吖？」家輝答：「勾義嫂囉。」發哥說：「你咪陷我於不義呀！」令全場爆笑。
恨抽中80萬
當發哥提到是晚的80萬元抽獎時，家輝竟自嘲「人工低」﹕「所以抽到一定唔會攞番出嚟。」導演王晶及監製劉偉強被問及是否開拍《賭城風雲III》時，王晶說：「過10億就開啦。」
|
鍾意就快D Share啦！
|
|
|
