最近神劇《大時代》回歸螢幕，備受矚目嘅除咗丁蟹同方進新之外，藍潔瑛喺劇中嘅「玲姐」亦令觀眾大為讚嘆；可惜藍潔瑛受情緒病困擾，近年居於公屋，還要定期精神科覆診。而飾演方進新嘅劉松仁坦言好耐冇見藍潔瑛，仲話好掛住佢啦。
劉松仁最近接受雜誌訪問，直言成二十幾年冇聯絡藍潔瑛啦，都唔太清楚佢嘅病情，當提到網民大讚藍潔瑛喺《大時代》嘅角色羅慧玲好靚女，松哥就賣晒口乖咁讚舊拍檔幾時都咁靚。
有傳藍潔瑛除咗情緒病外，早排更發現子宮生瘤，生活非常潦倒。今日有報導指，佢近日精神都有好轉，而且定時定候返東區醫院精神科覆診攞藥，照顧自己尚算冇乜問題。
- 藍潔瑛飾演羅慧玲一角獲網民讚賞
