掃呢頁CODE去手機

2015年5月14日 星期四

過氣情敵繼續唔妥 曼玉嘉玲 LV派對有你冇我 [壹週刊 - 1314] 曼玉,劉嘉玲,嘉玲,張曼玉,M1,



探熱針

過氣情敵繼續唔妥 曼玉嘉玲 LV派對有你冇我

張曼玉○○年與梁朝偉合作電影《花樣年華》期間,盛傳二人戲假情真,直至○八年,劉嘉玲攞正牌做梁太,三角關係才正式告一段落,但兩女在公眾場合依然互不瞅睬;即使前年二人在金馬獎頒獎禮後世紀合照,仍是面和心不和。

據了解,早前劉嘉玲、張曼玉分別被邀出席 LV名人派對,但當知道對方同被邀請做嘉賓後,不約而同扭計玩甩底,最終要出動品牌高層斡旋,最後二人雖依約出席,卻講明同場唔要碰面唔要影合照,有你冇我。

臨時甩底

劉嘉玲代表港星,跟一班內地一線花旦出席完在美國紐約舉行的慈善 Met Gala活動後,上週三(五月六日),又孖住章子怡再飛加州,出席國際品牌 LV搞的早春派對;向來是該品牌貴賓的劉嘉玲,更獲安排穿上全場最新的套裝花裙,被網友大讚有品味!而當日楊丞琳、何韻詩以及是 VVIP級的張曼玉均有在場,但一對「過氣情敵」,視而不見。

「 Maggie同嘉玲喺 party舉行前幾個鐘,突然通知大會話自己嚟唔到,搞到有關方面兵分兩路去睇吓發生咩事,先發現兩個都係因為知道對方會到,所以一齊臨時甩底,避開唔同場。氹咗好耐,先說服到佢哋前後時間出現。不過 Maggie同嘉玲都講明,唔要撞到同影合照。」知情者說。

LV派對,劉嘉玲開心跟章子怡孖住影合照。

何韻詩上年已獲邀出席法國 LV party,今次再到美國。

楊丞琳是台灣 LV代言人,今次也有被邀出席。

梁朝偉跟張曼玉緋聞鬧得最勁時,二人經常被拍到在朋友掩護下,相約食飯。

前年底,劉嘉玲跟張曼玉世紀合照,由劉嘉玲放微博率先公諸同好。

扮無事

前年台灣金馬獎,二人在台灣機場世紀合照,事後劉嘉玲放相上微博,看似無晒事,但兩女實則從未破冰。有指去年鍾鎮濤跟范姜在峇里結婚,因為收到風張曼玉會到,訂了機票的劉嘉玲臨時以工作為由甩底。

「嗰次喺台灣影合照,因為知機場有記者,明知避唔開,不如大方啲。嘉玲再大方,但對 Maggie就好耿耿於懷,嗰陣傳佢哋撻着,撞正 Maggie同前夫離婚,嘉玲都有啲緊張,表面好似冇嘢,但有時飲大兩杯,都試過喺班圈中朋友面前喊。所以之後不丹大婚,偉仔都冇請 Maggie飲,免得嘉玲個心唔舒服。」知情者說。

自言冇諗過結婚的梁朝偉,○八年在不丹跟劉嘉玲結束 N年愛情長跑,更大搞婚禮。

電影《花樣年華》在康城影展做宣傳,當年劉嘉玲已做跟得女友,黐到實跟情敵一齊行紅地氈。

劉嘉玲跟葉童夫婦多年老友,她跟偉仔感情出問題,也有在二人面前哭訴。

避得就避

國際品牌 LV打入內地巿場,經常在中港兩地搞活動,當中劉嘉玲和張曼玉都是頭號嘉賓之選,但經過品牌巧妙安排,二人甚少火星撞地球!

鍾意就快D Share啦!